Enrique pang-forever na si Liza!

Sharon wini-wish na bawasan ang pagiging emosyonal sa social media

SEEN: Ipinagdiwang kahapon ni Vhong Navarro sa It’s Showtime ang 41st birthday niya. Ang mga kanta na pinasikat ni Vhong na sinayaw ng Hashtags ang opening number ng It’s Showtime.

SCENE: Hindi nahulaan ng mga gay contestant ng Miss Q & A ang tunay na pangalan ni Vhong Navarro. Jomar, Bonito, at Anthony ang palpak na sagot nila dahil Ferdinand ang real name ni Vhong.

SEEN: Bukas, January 26, ang 52nd birthday ni Sharon Cuneta. Maging less emotional sa kanyang mga social media post ang birthday wish para kay Sharon ng mga tagahanga niya.

SCENE: “To the woman that I call my forever, all I want is for you to be happy in all that you do. You fill the gaps in my life with your love, simplicity and kindness, seeing you smile makes me feel completely and genuinely happy. I promise to make you smile for the rest of my life. I love you happy birthday mi Corazon,” ang birthday message ni Enrique Gil para kay Liza Soberano na nagdiwang noong January 4, ng 20th birthday.

SEEN: Tumulo ang luha ni Arci Muñoz habang binabasa ang birthday message ng boyfriend niya na si Anthony Ng sa kanyang guesting kahapon sa Magandang Buhay ng ABS-CBN. Sa January 12 ang 29th birthday ni Arci.

SCENE: Kahapon ang 32nd birthday ni Katrina Halili na nagbigay ng premyo sa online followers niya na nag-repost ng kanyang litrato at nagbigay ng paliwanag kung bakit gusto nila na manalo. Biglang lumitaw uli ang litrato ni Katrina, kasama sina Dra. Vicki Belo at Hayden Kho, Jr. sa kanilang secret heart-to-heart meeting noong April 2015.

SEEN: Prominent na ang billing ng pangalan ni Jameson Blake sa publicity materials ng Mama’s Girl, ang pelikula ng Regal Entertainment, Inc. na pinagbibidahan ni Sylvia Sanchez. Malaking break din ang ibinigay ng Regal kay Jameson sa Haunted Forest dahil isa siya sa mga bida ng pelikula na official entry sa 43rd Metro Manila Film Festival (MMFF).

SCENE: Pinataba si Barbie Forteza sa upcoming episode ng Magpakailanman. Leading man ni Barbie sa Magpakailanman ang kanyang real-life boyfriend na si Jak Roberto.