Kat de Castro pinagpapaliwanag sa BF na laging performer sa event ng DOT

SEEN: Pinagpapaliwanag si Department of Tourism Assistant Secretary Kat de Castro sa isyu ng madalas na pagsama ng kanyang boyfriend na si Pancho Juanitez sa diumano’y official activities ng DOT.

SCENE: May banda si Pancho Juanitez na madalas na nagpe-perform sa mga DOT sponsored programs. Proud boyfriend si Juanitez dahil super post siya sa social media ng mga lugar na pinupuntahan nila ni Kat de Castro. #ItsMoreFunInThePhilippinesIfTheAssistantSecretaryIsYourGirlfriend.

SEEN: Ang buong pamilya ni Mother Lily Monteverde sa Sunday lunch nila kahapon sa Cafe Juanita. Kasama ni Mother ang kanyang asawa na si Father Remy na nagdiriwang ngayon, December 25, ng kaarawan.

SCENE: Natagpuan sa San Pablo City, Laguna si Ica Policarpio, ang 17-year-old Grade 12 student na huling nakita sa isang coffee shop sa Muntinlupa City noong Huwebes. Ligtas at unharmed si Policarpio kaya nagpapasalamat ang pamilya niya sa lahat ng mga nagdasal. Sina Sharon Cuneta, Pops Fernandez, at Kris Aquino ang ilan sa mga celebrity na nanawagan na tulungan na hanapin si Policarpio nang mawala ito.

SEEN: Magkasama na lumipad sa Amerika noong Sabado si Bea Alonzo at ang kanyang boyfriend na si Gerald Anderson para sa short holiday vacation.

SEEN: Mapapanood si Carmi Martin sa dalawang pelikula na kasali sa Metro Manila Film Festival (MMFF) 2017. Si Carmi ang nanay ni Mariel de Leon sa Ang Panday at may special participation siya sa Deadma Walking bilang karibal ng nanay ni Joross Gamboa sa mga beauty pageant.

SCENE: Nililibak ang mga organizer ng 65th FAMAS dahil sa parangal na ibibigay nila sa manufacturer ng Lite Drinks Coffee bilang Outstanding Wellness Organic Producer. Nabawasan muli ang credibility ng 65th FAMAS na magaganap ang awards night sa December 28 sa Philippine Social Science Center Auditorium, Quezon City.