K-pop singer Jonghyun pumanaw na

MANILA, Philippines - Sumakabilang buhay na si Kim Jonghyun, vocalist ng K-pop Boy Band SHINee sa edad na 27 ngayong Lunes.

Natagpuan na lamang na walang malay si Jonghyun sa isang apartment sa Cheongdam-dong, Seoul, South Korea.

Isinugod pa sa ospital ang bokalista ngunit hindi na naisalba ang kaniyang buhay.

Pinaniniwalaang namatay sa carbon monoxide poisoning si Jonghyun.

Ayun sa mga awtoridad, tumawag ang kapatid ni Junghyon sa pulisya nang matunugan ang binabalak na pagpapakamatay ni Junghyon.

Pinaniniwalaang kinitil ng singer ang kanyang buhay gamit ang brown coal na naabutan pa ng mga pulis nasusunog.