Pia pinuri sa gown na parang swimsuit

Stunning. Beautiful. Sexy. Lovely. Perfect.

Ilan lang ‘yan sa mga papuri sa suot  na gown ni 2015 Miss Universe Pia Wurtzbach sa ABS-CBN Just Love Christmas Special na ginanap sa Araneta Coliseum nung isang gabi.

Hindi kasi traditional gown. See-thru ito na nangingintab na ang pang-ilalim lang ay parang formal swimsuit. Tipid sa tela na parang mas pang-rampa raw sa beach though na-keri nang bongga ng dating Miss Universe.

Mas sexy ito kesa sa gown with the same concept na isinuot niya sa Star Magic Ball na kulay itim months ago.

Pero kung maraming papuri meron din naman mga binabastos na si Pia dahil sa sobrang kaseksihan. Yummy yummy raw ang girlfriend ng race car driver na si Marlon Stockinger.

Good thing lang, never pumatol ang beauty queen sa mga ganun kaya hindi na rin lumalaki ang isyu.

Kilala na nagsusuot ng super daring na gown sa Hollywood sina Beyoncé at Kendall Jenner.

Larawan nahirapang humanap ng distributor

Ang Solar Films pala ang distributor ng pelikulang Ang Larawan.

Sa Star Cinema ito unang ini-offer ng producer na sina Celeste Legaspi at Girlie Rodis para i-distribute pero dalawa na raw ang entry ng film arm ng ABS-CBN – Ang Panday (Coco Martin) at Gandarrapiddo (Vice Ganda) kaya hindi tinanggap.

Sumunod ang Regal Films ni Mother Lily Monteverde. Pero meron silang sariling entry, ang Haunted Forest na Graded B ng Cinema Evaluation Board (CEB). Besides sabi ni Mother Lily, mag-aaway lang sila ni Ms. Girlie dahil nga magkaibigan sila.

Nilapitan din nila ang Quantum Films ni Atty. Joji Alonzo. Pero tulad ng Star Ci­nema and Regal Films meron din itong sari­ling entry, ang All of You nina Derek Ramsay and Jennylyn Mercado kaya hindi rin nag-materia­lize ang pag-uusap nila.

Anyway, wala sa bansa sa kasalukuyan ang isa sa mga bida ng Ang Larawan na si Joanna Ampil. Kasalukuyan itong nasa world tour ng musical play na Cats.

Pero darating daw ito in time for the awards night sa December 27.

Inaasahang mananalo si Joanna dahil sa kakaibang galing na ipinakita niya sa kanyang debut movie na isa sa official entries sa gaganaping Metro Manila Film Festival (MMFF) simula December 25.