Horror movie nina Charo at Bea sa Korea muna mapapanood!

Nakatakdang gumawa ng isang horror film sina Charo Santos-Concio at Bea Alonzo sa susunod na taon. Ito ang kauna-unahang pagkakataong makagagawa si Bea ng pelikulang nakatatakot kaya sobrang excited na ng aktres.

“Very excited ako kasi first time ko gagawa ng ganitong klaseng pelikula, ganitong genre, horror. And of course I’ll be working with Ma’am Charo. So it’s a totally different experience for me. Actually it scares me,” nakangiting bungad ni Bea.

Aminado ang aktres na kinakabahan siya dahil makakasama sa proyekto ang isa sa mga tinitingala sa industriya. “Siyempre ‘di ba, dahil pinapanood mo ‘yung mga pelikula ni Ma’am Charo, sobrang mataas ‘yung tingin ko kay Ma’am Charo. Feeling ko natural na gusto mo siyang i-impress each time pero parang kailangan ko yata labanan ‘yung mga gano’ng moments,” pagtatapat ni Bea.

“You have nothing to worry about, I’m just as scared. Bea is such a competent actress, there’s nothing to be scared of. Pareho lang ang niyerbos natin,” nakangiting sagot naman ni Charo kay Bea.

Matatandaang nakapagbida na si CSC sa pelikulang Itim ng beteranong direktor na si Mike de Leon mahigit apat na dekada na ang nakalilipas. “My first film was Itim. It was a horror film. This will be my second and I’m looking forward to  work with Bea,” pagtatapos ni Charo.

Si Mikhail Red ang direktor ng pelikulang Eerie na pagbibidahan ng dalawang aktres. Ayon sa direktor ay ipalalabas muna ito sa international film festival bago pa maipalabas sa Pilipinas. “We have to premiere in Korea because it already won a prize in Bucheon which is a genre film festival in Korea. So a lot of people are already waiting for this project,” pagbabahagi ng direktor.

Liza naimpluwensiyahan ng tiyahin sa pagnenegosyo

Katulad ng ibang artista ay pinasok na rin ni Liza Soberano ang pagnenegosyo. Sa Biyernes ay bubuksan na sa publiko ang Hope Hand and Foot Wellness Center sa Creekside Square Tomas Morato, Quezon City na pagmamay-ari ng aktres.

“Wellness is not just something you do now, it’s forever. You can do it whenever you want, wherever you want. And when you start practicing wellness rituals you can bring that with you forever and it could possibly make you feel younger even as you aged,” nakangiting pahayag ni Liza.

Ang tiyahin daw ang nagsilbing inspirasyon upang magtayo si Liza ng sariling negosyo na may kinalaman sa wellness.