Tinawag tuloy NA bading, Bimby kuhang-kuha ang arte ni Kris sa mga video! ; Rachel Peters matindi ang laban kay Miss Africa ; Lovi ‘di pang-display ang BF?!

SEEN: Insensitive at rude ang public comments tungkol sa video nina Kim Chiu, Kris Aquino, at Bimby Yap. Dapat piliin ni Kris ang mga lumalabas na video ni Bimby para hindi ito husgahan ng mga tao na walang respeto sa kapwa at sa mga inosenteng bata.

SCENE: Big fan si Vice Ganda ng Miss Universe pero may concert siya sa November 26 sa Legazpi City. Nangako si Vice na panonoorin niya ang live telecast (November 27, Manila time) ng Miss Universe 2017 sa Legazpi City.

SEEN: Ang pagkakaisa ng mga Pinoy na suportahan at iboto sa Miss Universe online voting ang Philippine bet na si Rachel Peters. Mas maganda sa personal si Rachel kesa sa mga litrato niya na lumalabas sa mga newspaper at social media.

SCENE: Mahigpit na kalaban ni Rachel Peters sa Miss Universe 2017 si Miss South Africa Demi Leigh Nel-Peters. “Sister” ang tawag nina Rachel at Demi sa isa’t-isa dahil pareho ang kanilang mga family name. 

SEEN: Magtatapos sa Biyernes ang The Promise of Forever ng ABS-CBN at ang Alyas Robin Hood ng GMA 7. Ang Hanggang Saan ang replacement sa The Promise of Forever at ang Kambal Karibal ang hahalili sa Alyas Robinhood.

SCENE: May sorpresa na naghihintay kay Marlene Aguilar dahil sa kanyang walang sawa na pagyurak sa pagkatao ni Tourism Promotions Board Chief Cesar Montano.

SEEN: Si Coleen Garcia ang female counterpart ni Enzo Pineda sa nakaraang fashion show ng Bench dahil hindi naramdaman ang pagrampa niya at walang reaksyon ang audience nang lumabas siya sa stage.

SCENE: Hindi makakatulong kay Lovi Poe ang pagsasama niya sa kanyang boyfriend na si Chris Johnson sa mga showbiz function. Walang mawawala kung magiging discreet sina Lovi at Chris sa kanilang relasyon.

SEEN: Perfect choice si Martin del Rosario bilang kapalit ni Christian Bablessa Born Beautiful. Mas maganda at mukhang babae si Martin kesa kay Christian. Dapat paghusayan ni Martin ang pagganap na transgender woman sa Born Beautiful dahil nakalalamang si Christian sa acting department.