Gerald relax-relax na wedding lang ang plano!
Napasaya nina Gerald Anderson at Kim Chiu ang mga tagahanga ng kanilang tambalan dahil nagpakasal na ang karakter ng dalawa sa teleseryeng Ikaw Lang Ang Iibigin.
Ayon kay Gerald ay marami pang kaabang-abang na mga eksena sa kanilang serye. “Ako, personally natutuwa kasi at least maraming fans na masaya. Alam naman natin na matagal din nilang hinintay ‘yon. Ang dami naming pinagdaanan bago kami umabot doon. I think kaya mas naging maganda ang eksena because of sa mga pinagdaanan namin. Marami pang mangyayari, marami pang dapat abangan,” pahayag ni Gerald.
Kung sakaling magpapakasal na ang aktor sa totoong buhay ay gusto raw nito ng isang beach wedding. “Maganda sa beach para medyo relax lang. Ayaw ko ng sobrang formal. Okay na sa akin ‘yung relax lang sa beach,” giit ni Gerald.
Samantala, masayang-masaya rin ang binata dahil naging matagumpay ang pelikula ni Kim na The Ghost Bride. Hindi pa raw napapanood ni Gerald ang nasabing horror film pero proud siya para kay Kim. “Hindi pa pero at least nakita ko na sa personal ‘yung (ghost) bride ‘di ba? Nakasama ko na siya,” natatawang pahayag ng aktor.
Joshua at Julia may pinag-iipunan!
Kamakailan ay nagpunta si Julia Barretto sa South Korea para sa isang commitment. Habang nasa Korea ay nag-post ang aktres sa kanyang Instagram ng isang larawan na may caption na ‘Wish you were here’ kaya marami ang naghihinalang si Joshua Garcia umano ang tinutukoy ni Julia dito.
“Kahit ako rin naman, nami-miss ko rin naman siya. ‘Yung presence niya, siyempre nagkakasama kami sa shooting,” bungad ni Joshua.
Binabalak daw nina Joshua at Julia na magbakasyon sa New York kung mabibigyan sila ng pagkakataon. “Gusto ko mag-New York. May usapan na kami na kapag nakatatlo kaming endorsements na magkasama (ngayong taon), magnu-New York kami. Parang bakasyon lang pero siyempre may chaperone siya. New York kasi parang gusto niya akong i-tour do’n kasi nakapunta na siya. Ako naman, hindi pa ako nakapunta sa New York eh,” pagbabahagi ng aktor.
Kamakailan ay inamin ni Joshua na nililigawan niya ang aktres at hindi raw nagmamadali ang dalawa upang maging opisyal nang magkasintahan. “Kasi sinabi ko naman po na hindi namin talaga minamadali ‘yung mga bagay-bagay. Kasi lalo na ako, ang dami kong priorities. Sa pamilya ko, sa ate ko, sa papa ko. Tapos si Julia naman, priority niya ‘yung bahay niya (na pinapagawa). Ayaw naming masayang na lang basta,” paliwanag ni Joshua.
- Latest