Isabel Granada nabubuhay na lang daw sa life support!

Brain dead na diumano si Isabel Granada as of 1:14 p.m. (Doha, Qatar time), 5:14 p.m. (ang oras sa bansa), habang naghahabol kami ng deadline kagabi. Hinihintay na lang daw ang desisyon ng ina na on the way na sa Qatar kung tatanggalin na ang life support nito ayon sa reporter naming naka-base sa Qatar.

Ayaw daw kasi ng mister nitong negosyante na si Arnel Cowley na tanggalin ang life support at hihintayin na lang diumano ang pamilya na mag-decide.

Salu-salungat ang kuwento nung umpisa sa nangyari kay Isabel habang nasa Qatar na naimbitahan as performer sa The Philippine Trade  & Tourism Conference – Qatar 2017. May nagsabing still fighting ito pero meron din naman nagsabing clinically dead na.

Bandang hapon ay naglabas pa ng statement ang mister nitong kasama sa Qatar at nakikiusap na ipagdasal pa ang kanyang misis for two years.

“To all family and friends, please pray for my wife Isabel Granada who is in ICU at Doha Qatar in a critical condition. She suffered from a brain hemorrhage which indicates aneurysm and in turn affected her heart. She collapsed suddenly without warning yesterday afternoon and is still not responding. I have released this statement to end inaccurate speculations during this hard time for myself and the rest of the family and I would also like to thank the people that’s supporting me here in Doha.”

May sariling kumpanya pala ang actress at ang mister niya na si Arnel Cowley, ang StarNet. Marketing Director siya habang Business Development Manager ang mister.

Nagde-demo raw si Isabel ng herbal products nang mag-collapse ito sa Qatar.

Tulungan nating magdasal ang pamilya ni Isabel.

Janine

Janine gustong maging katulad ni Solenn

Kapuso pa rin si Janine Gutierrez.

Pumirma ng panibagong kontrata ang showbiz royalty with GMA Network the other day.

Excited na ang actress sa mga planong inilatag sa career niya lalo na sa mga proyektong magpapakita siya ng galing sa pag-arte.

“I have complete trust and confidence with my home network which I consider my family, my home”, sabi ng actress matapos magkapirmahan ng panibagong kontrata sa Kapuso Network.

Sa GMA nagsimula ang career ni Janine. Kasama sa mga ginawa niyang proyekto na kinabiliban siya at humataw ang rating ay ang Legally Blind and Once Again. “I will always be grateful for the trust that my GMA family has given me,” banggit pa ng aktres.

May pinagkakaabalahang project si Janine na naka-sentro ang subject sa environment, entitled Unbroken Hearts, sa kasalukuyan.

At nag-record pa siya ng theme song nito sa Amerika with famous record producer Red One. At excited siya na ma-release ang nasabing single.

Hindi pa masyadong nama-maximize ang talent ni Janine sa singing pero inaasahan sa paglabas ng single na ito ay aarangkada ang kanyang singing career.

Bukod sa Unbroken Hearts, ayaw pang magbigay ng detalye ni Janine sa kanyang next teleserye.

But definitely something new daw ito for Janine.

Si Leo Dominguez na ang nagha-handle ng career ni Janine pero balitang meron pa rin say ng GMA Artist Center.

Si Leo ang manager nina Ogie Alcasid, Solenn Heussaff, Isabelle Daza, Paulo Avelino among others.

At kung si Janine ang tatanungin, gusto niyang matulad ang career path kay Solenn.