Titser na may depresyon ibinangon ng mga estudyante
MANILA, Philippines — Tunghayan ang kuwento ngayong Sabado ng isang matalinong guro sa Binangonan, Rizal na si Ms. Luzviminda Goto na dumaan sa iba’t ibang klase ng pagsubok.
Itinatampok sa episode na pinamagatang Ang Puso ng Isang Guro: The Luzviminda Goto-Ojeda Story sina LJ Reyes bilang young Luz at Melissa Mendez bilang older Luz. Makakasama rin sina Ryan Eigenmann, Dominic Roco, Vaness Del Moral, Renz Valerio, Jacob Briz, Bryan Benedict, Dexter Doria, at Roli Inocencio.
Paborito siya ng halos lahat ng mga estudyante, dahil hindi conventional ang pagtuturo nito na may humor at nagpapatawa. History at Economics ang kanyang itinuturo at kabisado niya ang lahat ng pangalan ng mga estudyante. Nakapustura at masasabing pambato and role model teacher si Luz sa kanyang paaralan. Walang magsasabi na hindi siya magaling na guro at kilala siya sa kanilang bayan sa kanyang kahusayan.
Breadwinner si Luz sa magkakapatid dahil siya lang ang nakatapos. Ngunit nang siya ay umibig at ikakasal na lang bigla namang pumanaw ang lalaki niyang mahal. Sa pangalawang pagkakataon ay nagmahal siyang muli at nang maglaon ay nagpakasal at nagkaroon din siya ng dalawang supling. Subalit pagkatapos ng tatlong taon ng pagsasama ay inatake naman sa puso ang kanyang asawa. Dito na nagsimula ang kanyang depression. Hanggang sa nagkaroon siya ng sakit at tuluyan na siyang nag-resign bilang guro.
Dahil walang trabaho ay nagkahirap-hirap na siya sa buhay. Pasanin niya ang kanyang ina na may sakit, dalawang anak, dalawang step-son, at mga pamangkin. Nasangla na rin ang kanyang bahay dahil sa mga utang. Sa tulong ng kanyang mga dating estudyante na si Mary Rose para bigyan ng medical at financial assistance. Sa ngayon ay natutulungan na siya ng mga anak dahil may trabaho na rin ang mga ito.
Mula sa direksyon ni Gina Alajar, huwag palampasin ang Magpakailanman ngayong Sabado pagkatapos ng Pepito Manaloto sa GMA 7.
- Latest