Baron kalaboso na naman sa pag-aamok!
Nalulungkot kami para sa actor na si Baron Geisler dahil matapos itong mag-guest sa aming radio program sa DZRJ, ang Inside Showbiz last October 8 kung saan nangako at nagpahayag itong nagbago na umano siya, heto’t nasangkot na naman siya sa isang gulo sa isang resto bar in Tomas Morato, Quezon City kamakailan lamang na siyang naging dahilan para siya’y ma-detain sa isang police station in Kamuning, Quezon City.
Apparently, hindi pa rin talaga matalikuran ni Baron ang alak na siyang nagtutulak sa kanya sa kapahamakan.
Paano pa makukuha ni Baron ang tiwala sa kanya ng mga producer kung paulit-ulit na lamang ang kanyang pagkakasangkot sa gulo dahil sa kanyang pagiging lasenggo?
Ito rin marahil ang dahilan kung bakit ultimo mga kapatid niya ay ayaw na rin siyang pakialaman.
Si Baron ay mag-isang naninirahan ngayon sa isang rented house in Pampanga kung saan niya dating kasama ang kanyang namayapang ina na sa pagkakaalam namin ay hindi na rin nababayaran ng actor ang renta.
Bukod sa pagiging isang mahusay na actor ay isa ring painter si Baron, na hindi niya pinapahalagahan.
Binalak pa ni Baron na magpalit ng kanyang screen name dahil sirang-sira na umano ang kanyang pangalang Baron Geisler pero sinabi namin sa kanya na hindi ang pangalan niya ang sira kundi siya mismo ang sumisira ng kanyang pangalan.
Sayang ka, Baron.
Ipon muna ng dalawang taon, Dianne at Rodjun ayaw madaliin ang kasal
Gusto ng newly-engaged couple na sina Dianne Medina at Rodjun Cruz na mapaghandaan nang husto ang kanilang kasal kaya ayaw nila na madaliin ang lahat. Balak nila na sa December 2019 pa i-set ang kanilang wedding para mahaba ang kanilang oras sa preparasyon.
Rayver at Janine enjoy lang sa isa’t isa
Ayaw pa ng Kapuso star na si Janine Gutierrez lagyan ng label kung anumang relasyon meron sila ngayon ng Kapamilya singer-actor-dancer na si Rayver Cruz. Ang mahalaga umano sa kanila ngayon ay pareho silang nag-i-enjoy sa company ng bawat isa at tanggap sila ng kani-kanilang pamilya.
Si Janine ay isa sa mga tampok na bituin ng horror movie ng OctoArts Films, ang Spirit of the Glass 2: The Haunted na idinirek ni Joey Javier Reyes at mapapanood sa mga sinehan nationwide simula ngayong November 1.
- Latest