Dating boarder sa PBB pakakasalan uli ng dyowang mayor na madatung

SEEN: Muling magpapakasal si Niña Jose at ang kanyang asawa, si Bayambang, Pangasinan Mayor Cezar Quiambao. Nakatakda sa November 15, 2017 ang church wedding nina Mayor Quiambao at Niña.

SCENE: Dumating sa bansa noong Lunes ang American singer na si David Archuleta para sa major concert niya sa Kia Theater sa Biyernes, October 20.

SEEN: Mainit pa rin ang pagtanggap kay David Archuleta ng Pinoy fans na nakaabang sa lahat ng mga promo guesting niya. Anim na taon na ang nakalilipas mula nang manatili si David sa Pilipinas at nang magbida siya sa isang television series ng TV5.

SCENE: Absent si Ina Raymundo sa grand presscon kahapon ng The Ghost Bride ng Star Cinema dahil guest judge siya sa Magpasikat Week ng It’s Showtime.

SEEN: Nakasalalay kay Kim Chiu at sa kuwento ng The Ghost Bride ang box-office success ng horror movie ng Star Cinema. Ang Spirit of the Glass 2: The Haunted ang katapat ng The Ghost Bride dahil sa November 1 ang playdate ng horror movies ng Star Cinema at Octoarts Films.