ABS-CBN humakot ng parangal sa Mindanao State University Kabantugan Awards
MANILA, Philippines — Umani ng 17 na parangal ang ABS-CBN sa Mindanao State University General Santos 16th Kabantugan Awards dahil sa mga natatanging entertainment, news at local personalities nito.
Itinanghal na Best Male TV News Anchor at Best Female TV News Anchor ang batikang journalists na sina Ted Failon at Karen Davila, habang kinilala naman ang SOCO bilang Best TV Investigative Program.
Patuloy naman ang tagumpay ng FPJ’s Ang Probinsyano sa mga award-giving bodies dahil nagwagi na naman ito bilang Best Primetime TV Show. Best TV Male Child Wonder naman ang isa sa mga child stars ng programa na si McNeal “Awra” Briguela.
Panalo rin ang isa pang Kapamilya child star na si Xia Vigor bilang Best TV Female Child Wonder, habang Best Gay TV Personality naman si Vice Ganda.
Ang iba pang nanalong entertainment shows ng Kapamilya network ay Magandang Buhay (Best TV Morning Show) at Minute to Win It (Best TV Game Show).
Binigyang parangal din ang local personalities ng Kapamilya network kabilang sina Justine B (Best Male FM DJ), DJ Bettina (Best Female DJ), Chai Tabunaway (Best Female TV News Anchor, Best Female TV Field Reporter), Joey C (Most Popular Male TV Personality), Bettina Cabacos (Most Popular Female TV Personality), at Jay Dayupay (Best Male TV Field Reporter).
- Latest