Joshua takot sumemplang ang career, A Fairy Tail... nina Janella at Elmo, malakas ang kilig

SEEN: Woke Up Like This T-shirts ang suot kahapon ng mga host ng It’s Showtime bilang suporta sa pelikula ni Vhong Navarro sa Regal Entertainment, Inc. na nagbukas kahapon sa mga sinehan.

SCENE: Kahit nabahiran ng kontrobersya sa basketball game na nilahukan ng mga artista ng Star Magic, sasali pa rin si Gerald Anderson sa susunod na taon sa annual Star Magic All Star Game.

SEEN: Sina Julian Trono at Ronnie Liang ang special guests bukas, August 25, sa The Great Unknown, ang concert ni Sarah Geronimo sa Iloilo Convention Center, Mandurriao, Iloilo City.

SCENE: Takot na takot si Joshua Garcia na masangkot sa intriga at masira ang showbiz career niya dahil ito ang kanyang source of income.

SEEN: Kahit hindi umamin sina Joshua Garcia at Julia Barretto sa presscon ng Love You To The Stars and Back, marami ang nagsasabi na for real at hindi lamang for reel ang relasyon nila kaya todo tanggol si Julia sa leading man niya sa pelikula ng Star Cinema.

SCENE: Nagluluksa ang direktor at movie producer na si Perci Intalan dahil sa pagpanaw ng kanyang 90-year old mother noong Martes. Si Perci ang direktor ng A Fairy Tail Love Story, ang romantic comedy fantasy movie nina Elmo Magalona at Janella Salvador sa Regal Films.

SEEN: Sinuportahan nina Elmo Magalona at Janella Salvador ang red carpet premiere ng Woke Up Like This. Tanggap ng fans ang loveteam nina Elmo at Janella. Ipinalabas ang trailer sa premiere night ng A Fairy Tail… at marami ang kinilig.