Suot ni Mel B ng Spice Girls na pinuri-puri, gawa ng Pinoy designer ; Aiza lalaking-lalaki sa pakilala ni Cesar

SEEN: Pinupuri ng international press ang sheer at sequined body­suit outfit ni former Spice Girls member Mel B sa live show ng America’s Got Talent. Ang Filipino international fashion designer na si Rocky Gathercole ang gumawa ng pinag-uusapan na outfit ng America’s Got Talent judge.

SCENE: Tinupad kahapon ni Vice Ganda sa It’s Showtime ang kanyang pangako na televised public apology kay Tony Calvento: “I just would like to personally apologize nga pala kasi last time, I wasn’t able to personally say my apologies to Mr. Tony Calvento, who got offended when his name was dragged during the discussion noong nakaraang linggo.

“Pasensya na po kayo. I personally apologize.

“Pasensya na kayo naantala dahil ako’y nasa Korea. Gayunpaman nakausap ko naman siya. Tumawag ako sa kanya’t nag-apologize na rin ako personally at ito, gusto ko pa ring gawin. Pasensya na po. I apologize.”

SEEN: “Vice’s personal apology accepted. All is well. Let’s move on Vice,” ang reaksyon ni Tony Calvento sa public apology ni Vice Ganda.

SCENE: “Tama na ang intriga!” ang sagot ni Tony Calvento sa mga nagkomento na hindi nila malaman kung matatawa o maiinsulto sila sa lumang litrato ni Vice Ganda na ginamit ng journalist sa Facebook account nito  nang tanggapin niya ang public apology ng komedyante.

SEEN: Matunog na “Mr. Aiza Seguerra” ang address ni Cesar Montano kay Aiza Seguerra sa speech niya sa opening night gala ng Pista ng Pelikulang Pilipino (PPP) noong August 15 sa Cinema 7 ng SM Megamall.

SCENE: Hall of Famer na sa Miss Q & A contest ng It’s Showtime si Matmat Centino, ang transgender woman na tumatalo noon kay Vice Ganda sa mga gay beauty contest.

SEEN: Ikinagulat ng fans ng Mulawin vs. Ravena ang television plug ng GMA 7 tungkol sa nalalapit na pagtatapos ng telefantasya ng Kapuso Network na hindi na-duplicate ang tagumpay ng Encantadia.

SCENE: Ang Super Ma’am, ang fantasy-educational-comedy-drama na tinatampukan ni Marian Rivera ang ipapalit ng GMA 7 sa timeslot ng Mulawin vs. Ravena.