Rocco can afford magpabalik-balik sa Europe

Pa-Europe-Europe na lang si Rocco Nacino dahil nang makausap namin sa second launching ng Pista ng Pelikulang Pilipino (PPP), ibinalita nitong Europe bound na naman siya. Kababalik lang nito from Europe kung saan bumisita ito sa Ams­terdam, Netherlands, at Belgium.

This time, kasama ni Rocco ang kanyang pamilya at isa sa kanilang bibisitahin ang Rome. Dideretso sila sa Paris at iba pang parte ng Europe, pero mauuna siyang babalik ng Pilipinas dahil sa taping ng Haplos. 

Dumalo pala si Rocco sa launching ng PPP at an­nouncement ng part­nership ng Film Development Council of the Philippines (FDCP) at Globe Telecom para sa kanilang #PlayItRightAdvocacy  “To encourage the public to play content from legitimate sources as well as provide an opportunity for local movies and film-makers to grow their business and expand to more audiences.”

Kasama si Rocco sa cast ng Bar Boys na tungkol sa four friends na nag-enroll sa law school. Ipakikita ang sacrifices nila to succeed at hirap na pinagdadaanan ng law students. Ang pelikula ay sa direction ni Kip Oebanda at magsisimulang mapanood sa August 16-22 nationwide.

Vhong at Lovi gusto uling makatrabaho ni Direk Joel

“Ensemble acting” ang tawag ni director Joel Ferrer sa teamwork ng cast ng Woke Up Like This na pinagbibidahan nina Vhong Navarro at Lovi Poe, para mas mapaganda ang mga eksena ng Regal Films movie na showing simula August 23.

Overwhelming daw ang feeling makagawa ng mainstream movie for the first time. Nalula siya sa rami ng staff, kasama nga lang ang bigger responsibilities, pero nagawa niya nang maayos batay na rin sa trailer at sa buong pelikula na rin.

Nagustuhan ni direk Joel ang concept ng Woke Up Like This. Dahil naging close sa kanya ang cast, nagbiro ito na for his next movie, the same cast pa rin ng Woke Up Like This ang gusto niyang cast. “Sila (ang cast) ang nag-devirginized sa akin,” birong sabi ni direk Joel.

Jennylyn at Gil susugalan nga ba sa pelikula

Parang magkakapelikula sina Jennyln Mercado at Gil Cuerva batay sa post ni director Joyce Bernal na “Nag-iisip nako project for them” na for sure pelikula after ng My Love From The Star  dahil hindi puwedeng gumawa ng TV show sa ibang network si Gil.

Kaya lang, baka next year na ito mangyari dahil gagawin ni Jennylyn ang  MMFF entry nila ni Derek Ramsay na Almost Is Not Enough. 

Nasaksihan ang lakas ng tambalan nina Jennylyn at Gil sa mall show nila sa Starmall San Jose del Monte last Sunday.

Anyway, star-studded ang isang eksena sa final week ng MLFTS dahil guests sina Barbie Forteza, Jak Rober­to, Addy Raj, at Ken Chan. Guests din sina Gabbi Garcia, Ruru Madrid at iba pang Kapuso stars.

Barbie at Ken naglambingan sa hacienda ni Kuh Ledesma

Natuloy na rin kahapon, ang first shooting day ng This Time I’ll Be Sweeter, ang pelikula nina Barbie Forteza at Ken Chan sa Regal Entertainment. Ginawa sa Hacienda Isabella sa Tagaytay (owned by Kuh Ledesma) ang taping ng first movie ng dalawa na nag-klik ang love team sa TV rom-com na Meant To Be.