Indie humamig sa mga nominado sa Urian!

MANILA, Philippines - Nangibabaw ang indie movies, tulad sa mga nakaraang taon, sa inilabas na listahan ng mga nominado ng Manunuri ng Pelikulang Pilipino (MPP). Magaganap ang awards night ng Gawad Urian sa July 20 sa ABS-CBN Studio 10 at ipalalabas nang live sa Cinema One.

Kasama sa mga nominado sa kategoryang Pinakamahusay na Pelikula ang Pamilya Ordinaryo, Paglipay, Ang Babaeng Humayo, Women of Weeping River, Ma’ Rosa and Baboy Halas.

Sa mga nabanggit na pelikula, ang Ang Babaeng Humayo lang ang pamilyar dahil ang Cinema One ang producer nito starring Charo Santos Concio and John Lloyd Cruz directed by Lav Diaz.

Ang Natatanging Gawad Urian award naman ay ipagkakaloob nila sa Star for all Seasons na si Vilma Santos na nakatanggap ng pinakamaraming award - 8 best actress awards - mula sa beteranong film awards sa mga nagdaang taon.

Sina Charo Santos (Ang Babaeng Humayo), Laila Ulao (Women of the Weeping River), Jaclyn Jose (Ma’ Rosa), Cherry Pie Picache (Pauwi Na), AiAi delas Alas (Area), Elizabeth Oropesa (MRS), Irma Adlawan (ORO), Hasmine Kilip (Pamilya Ordinaryo), Angeli Bayani (Ned’s Project), at Nora Aunor (Hinulid) ang mga aktres na nominado para sa Pinakamahusay na Pagganap.

Kasama naman sa mga nominado para sa Pinakamahusay na Pagganap ang mga aktor na sina Khalil Ramos (2 Cool 2 Be 4gotten), Tommy Abuel (Dagsin), Bembol Roco (Pauwi Na), Garry Cabalic (Paglipay), Paolo Ballesteros (Die Beautiful), Ronwaldo Martin (Pamilya Ordinaryo), at Pepe Smith (Singing in Graveyards).

Bukod kay Dayoc, kinilala rin para sa kategoryang Pinakamahusay sa Direksiyon sina Lav Diaz (Ang Babaeng Humayo), Brillante Mendoza (Ma’ Rosa), Eduardo Roy, Jr. (Pamilya Ordinaryo), Zig Madamba Dulay (Paglipay), Bagane Fiola (Baboy Halas), Paolo Villaluna (Pauwi Na), Avid Liongoren (Saving Sally), at Lemuel Lorca (Ned’s Project).

Kasama naman sina John Lloyd Cruz (Ang Babaeng Humayo), Nonie Buencamino (Ang Babaeng Humayo), Taha Daranda (Women of the Weeping River), Christian Bables (Die Beautiful), Jess Mendoza (Hinulid), at Julio Diaz (Ma’ Rosa) para sa Pinakamahusay na pangalawang Aktor na kategorya.

Sina Rhed Bustamante (Seklusyon), Barbie Forteza (Tuos), Sharifa Pearlsia Ali-Dans (Women of the Weeping River), Anna Luna (Paglipay), Joan Dela Cruz (Paglipay), Lui Manansala (Ned’s Project), Lotlot de Leon (MRS), Janine Gutierrez (Dagsin), Mariam Zimadar Haji Caranay Raper (Women of the Weeping River), at Meryll Soriano (Pauwi Na) ang mga nominado para naman sa Pinakamahusay na Pangalawang Aktres.

Ngayong taon ipagdiriwang ng Gawad Urian ang ika-40 taon nito sa industriya.

Abangan ang 40th Gawad Urian sa Cinema One (SkyCable ch. 56, Destiny Cable Digital Channel 56, at Destiny Analog Ch. 37) sa darating na Hulyo 20 (9PM).