Web show ni Kris pabulusok ang nanonood!, Xian mali ang ginawang pamamaalam

SEEN: In person, magalang at charming ang Korean actor na si Kim Soo Hyun pero hindi siya puwedeng lapitan dahil mahihigpit ang kanyang mga handler at bodyguards.

SCENE: Hindi nakapagsasalita ng American language si Kim Soo Hyun kaya tinulungan siya ng isang mahusay na female Korean interpreter na fluent sa English at Manila-based.

SEEN: Napapanood na lang si Kris Aquino sa kanyang web show, ang The Kris List pero pababa ang viewers ng online show niya. May 722, 194 views ang unang episode ng The Kris List, 461,113 views ang second episode at 143,931 ang third episode.

SCENE: Ang bumababa na views sa The Kris List ang isa sa mga hudyat ng bumababa na ang popularidad ni Kris Aquino.

SEEN: Pahulaan ang tunay na dahilan ng pamamaalam ni Xian Lim sa kanyang social media followers. Sa showbiz, hindi nami-miss ang mga artista na nawawala kaya hindi na dapat nagpaalam si Xian.

SCENE: Si Maine Mendoza ang nag-iisang babae na special guest ngayong gabi sa Upsurge, ang concert ni Alden Richards sa Kia Theater.

SEEN: Ang paniniwala na mas pinapanood si Jodi Sta. Maria sa mga teleserye nito sa ABS-CBN kesa sa mga pelikula na tinatampukan niya dahil sa box-office results ng kanyang mga movie project.