Biado, Chua masusubukan agad sa World Cup of Pool
MANILA, Philippines - Inilabas na ng organizers ang draw sa 2017 World Cup of Pool na magsisimula sa Hunyo 13 sa York Hall sa London, England kung saan unang makakasagupa nina Carlo Biado at Johann Chua sina Waleed Majid at Bashar Hussain ng Qatar.
Pasok ang Pilipinas sa lower bracket kasama ang Sweden, Austria, Malaysia, Russia, Indonesia, England-B, New Zealand, Scotland, Hong Kong, Netherlands, China, Portugal, Germany at South Africa.
Nasa upper bracket naman ang Taiwan, Kuwait, Poland, Greece, Japan, Thailand, Canada, Australia, US, Singapore, Spain, Romania, Finland, Norway, England A at India.
Ipatutupad sa torneo ang single-elimination format tampok ang nine-ball sa event na may basbas ng World Pool-Billiard Association.
Lalarga sina defending champions Ko Pin Yi at Chang Yu Lung ng Chinese-Taipei laban kina Bader Al Alawi at Mohammad Saleh Al Kashawi ng Kuwait habang haharapin nina 2011 champions Ralf Souquet at Thorsten Hohmann ng Germany sina David Anderson at Francois Ellis ng South Africa.
Makakatipan naman nina 2012 titlists Mika Immonen at Petri Makkonen ng Finland sina Matts B Schjetne at Tom Bjerke ng Norway samantalang makakalaban nina 2014 winner Darren Appleton at bagong kapares na si Mark Gray ng England A sina Raj Hundal at Amar Kang ng India.
May tatlong titulo na ang Pilipinas sa World Cup of Pool.
- Latest
