Christian pinagtatawanan ang kasal nila ng girlfriend!

Natatawa na lang si Christian Bautista kapag tinatanong siya tungkol sa balitang malapit na silang ikasal ng kanyang girlfriend na si Kat Ramnani.

Naging open na rin kasi ang romantic balladeer sa kanyang lovelife kaya marami na ang gustong malaman kung true ba na ikakasal na siya this year.

“Noon napaka-private ng lovelife ko. Walang nakakaalam kaya maraming nagsasabi na ganito akong klaseng tao.

“Now that I’m open about it, suddenly there are these outrageous questions about my lovelife.

“Okey lang naman because it means na interesting pa rin ako pati na ang mga nagaganap sa buhay ko.

“In terms of my lovelife, we’re okay. Our relationship is smooth-sailing. Makikita naman nila ‘yon sa social media accounts namin ni Kat.

“Let’s take it one at a time. Though nag-open up na tayo, hindi naman ako masyadong magbigay ng iba pang details.

“Abangan na lang nila lahat ‘yan sa social media since doon naman lahat nagaganap ang mga proposals and wedding announcements!” natatawang pahayag pa ni Christian.

Busy nga ang 2017 ni Christian dahil bukod sa kinuha siya ulit bilang endorser ng Blackwater cologne for nine years in a row, may tinatapos din siyang bagong album at kasama siya sa teleserye na My Love From The Star.

“Excited ako for the teleserye kasi it’s my first time to work with Jennylyn Mercado. I had to lose a lot of weight para makahabol sa edad nila ni Gil Cuerva.

“Abangan nila ito kasi ang ganda ng pagkakagawa ni Direk Joyce Bernal. Para siyang pelikula. Hindi nalalayo sa quality ng mga Koreanovelas,” pagtatapos pa ni Christian.

Kris ayaw patinag sa pagdispley ng katawan

Ayaw papigil ni Kris Bernal sa pag-post ng naka-bikini sa social media.

Ito kasi ang sagot ng Kapuso actress sa kanyang mga basher at haters. Kada pintas ng mga ito sa katawan niya, magpo-post pa siya ulit ng mga sexy bikini poses niya.

“Going with the flow and swimming against the current. I literally could not care less. Always spread positivity out into the world. Kindness can kill. So, just bury them with a smile and they will be confused. #happykid” post pa ni Kris sa Instagram.

Kung matatandaan ay umani ng maraming bashers ang bida ng teleserye na Impostora noong i-post ni Kris ang isang random bikini photo shoot na ginawa niya sa Zambales.

Tinawag siyang anorexic at bulimic ng mga bashers. Imbes na maimbiyerna, nagpasalamat pa si Kris sa mga pintas nila sa kanya.

“Because bashers keep pouring in and the haters keep shouting at me. Calling me anorexic, bulimic, no curves with tiny waist, telling me to eat more and to stop visiting the gym! WOW! So many assume. So little know,” she wrote in a post last week.

“Don’t take the time to think about me. Don’t waste your time making fun of me. Thank you because you are my fuel which means that I will never run out of energy and you give me the keys to drive. For those who are just sincerely concerned about me, I appreciate it but I eat normally, I am perfectly healthy bringing better nourishment to my body.”

Liam naka-move on na sa pagkamatay ng asawa

Walong taon na ang nakalipas noong sumakabilang-buhay ang actress-wife ng Hollywood actor na si Liam Neeson.

March 2009 noong pumanaw dahil sa injuries na natamo sa isang ski accident ang aktres na si Natasha Richardson. Matagal na nagluksa si Liam sa trahedya na dumating sa kanilang pamilya.

Kaya sa edad na 64, patuloy pa ring namamayagpag ang aktor dahil nabubuhay siya para sa anak nila ni Natasha na sina Michael and Daniel.

“I’m not good without work. I just don’t – I just don’t wallow too much. You know? And I just didn’t want to – especially for my boys – seem to be wallowing in sadness or depression,” diin pa ng aktor.

Noon daw ay hindi niya kayang pag-usapan ang pagkamatay ni Natasha. Pero ngayon ay kaya na niyang magkuwento.

“It hits you, it’s like a wave. You just get this profound feeling of instability... The Earth isn’t stable anymore and then it passes and it becomes more infrequent, but I still get it sometimes.

“Her death was never real. It still kind of isn’t. There are periods now in our New York residence when I hear the door opening, especially the first couple of years... Any time I hear that door opening, I still think I’m going to hear her.”

Kasama si Liam sa muling pagbalik ng pelikulang Love Actually. Una itong ipinalabas noong 2003. Kaya 14 years after ay marami na raw nabago sa buong cast ng pelikula.

“It’s 14 years ago now and we’ve all lived lives. Some of us have died. Oh, my dear friend Alan Rickman, God rest him. Some have gotten divorced. I’ve lost my wife.

“And, oh, sure, plenty of times I’ve thought about this film and my own life.  Love actually, that’s the way it is. That’s the tapestry of life.”