Estudyanteng nabuntis dinedo sa motel
LEGAZPI CITY, Albay – Pinaniniwalaang pinatay sa sakal ang 15-anyos na estudyanteng nabuntis ng nobyong estudyante rin matapos itong matagpuang nakaupo sa bowl ng palikuran sa loob ng LC Lodge sa Barangay Dunao, Ligao City, Albay noong Martes ng gabi.
Kinilala ng pulisya ang biktima na si Kimberly Bello ng Ligao City habang pinaghahanap naman ang suspek na pansamantalang hindi muna isiniwalat ang pagkakakilanlan.
Nabatid na naka-PE uniform T-shirt pa ang biktima may tatak na Barayong National High School.
Walang pang-ibabang damit na suot at black leggings habang nakaupo sa palikuran ng nasabing lodging house at may busal sa bibig.
Sa ulat ng pulisya na nakarating sa Camp Simeon Ola, dakong alas-7:30 ng gabi nang mag-check-in ang biktima at ang hindi kilalang lalaki.
Gayunman, nagduda ang mga kawani ng nasabing lodging house dahil hindi pa lumalabas ang dalagita gayung ilang oras nang nakalabas ang kasama nitong lalaki.
Kaagad na pinasok ng security guard na si Joevin Ravano ang silid na inukopa ng biktima at bumulaga ang bangkay ng biktima.
Sinasabing buntis ang biktima matapos lumabas sa pagsusuri ng mga awtoridad.
- Latest