Coca-cola midemolis sa Queen Capella sa UBBL

CEBU, Philippines - Paspas nga duwa maoy gihimong hinagiban sa Coca-Cola sa ilang pagdemolis sa Queen Capella Security Agency, 75-54 sa United Barkadahan Basketball League (UBBL) First Conference niadtong Martes didto sa Wireless Plaza and Sports Complex, Mandaue City.

Gikan sa pagsugod wala gyud molubad ang duwa sa Coca-Cola ni team manager Andro Solis ug kanunay silang naglabaw hangtod sa katapusang pitik sa orasan.

Si Ramel Cortes maoy labing kuyaw nga nakaduwa sa Coca-Cola ug gipangulohan ang kadaugan pinaagi sa iyang 19 puntos. Natakdan sab sa iyang maayong duwa si Jay Oacan, kinsa mipaksit og 16 puntos  ingon man silang JP Alejandro, Rex Saberon ug Jericho Cortes nga nagtampohay og 10 puntos. sa Coca-Cola nga nag-una standing sa bracket A sa ilang 2-0 win-loss record.

Si Michael Asoro maoy nangu sa team ni Queen Capella pinaagi sa iyang 16 puntos, gisundan ni James Asoro nga adunay 11 puntos. Ang Queen Capella Security Agency ubos ni coach Jerry ‘Padi’ Ycong nagbitbit  na og 1-1 nga baraha.

Sa pasiunang duwa, ang San Miguel Beermen nakabangon human masugamak dihang ilang gihubog ang Dexes, 58-52.

Gipangulohan ni Vergel Penetrante ang kadaugan nga mitagay og 19 puntos, samtang si Aldrin Iran miamot og 10 puntos sa San Miguel nga mi-rally human mabiyai, 29-34 sa halftime aron mohirit og daog 1-1 nga baraha.

Si Ervin Puerto ug ang team manager nga si Dexter Espinosa miiskor sab og 19 ug 10 puntos sa napildeng koponan nga pabiling walay daog sa duha nila ka duwa.

Sa laing aksiyon, midaog sab ang ERCO batok sa Patindol, 62-56.

Ang ERCO maoy pirmeng nag-una, apan nahimong kulbahinam ang duwa dihang nagkatabla ang iskor, 56-all sa nahabiling 2:57 human si Jonher Espina miposa sa ikaupat niyang 3-pointer.

Si Espina mao lang ang bugtong miiskor og double figures sa Patindol nga mipabuto og 22 puntos.

Puntos matag usa

Unang duwa:

SMB (58) – Penetrante 19,  Iran 10, Batua 5, Lavandero 5, Aniñon 4, Dy 3, Datan 2, Claros 2, Alilin 2, Abangan 2, Mira 2.

DEXES (52) – Puerto 19, Espinosa 10, Jamili 5, Loayon 4, Sumalinog 4, Canas 2, V. Pepito 2, Ocañada 2, Philip 2, J. Pepito 2.

Ikaduhang duwa:

ERCO (62) – Bordalba 18, Cary 13, Ricaplaza 10, Louie Cabalan 7, Lucero 6, Maghilom 4,  Lloyd Cabalan 2.

PATINDOL (56) – Espina 22, Canama 9, Escalera 8, Cabasisi 7, Encarnacion 4, Vistar 2, Diaz 2.

Ikatulong duwa:

COCA-COLA (75) –  R. Cortes 19, Oacan 16, Alejandro 10, Saberon 10, J. Cortes 10, Mangasita 6, Nillas 4.

QUEEN CAPELLA (54) – M. Asoro 16, J. Asoro 11, Alicarte 5, Panindim 5, C.  Englis 2, B. Zabate 2, F. Englis 1. (BANAT NEWS)