Obrero pinutakte ng bubuyog, patay
TUGUEGARAO CITY, Cagayan, Philippines - Pisak ang 33-anyos na farm laborer matapos itong tumalon sa sinasakyang trak habang pinuputakte ng mga bubuyog sa kabundukan ng Barangay Dicamay II sa bayan ng Jones, Isabela kamakalawa. Kinilala ni P/Supt. Manuel Bringas ang biktima na si Rolan Cacayan ng Barangay Minuri.? Lumalabas sa imbestigasyon na pinutakte ng mga bubuyog ang grupo ng biktima na nasa likuran ng truck na minamaneho ni Marvin Bruno matapos na masagi ang sanga ng punungkahoy na kinalalagyan ng pukyutan sa dinaraanang pataas na kalsada.? Sa mga obrerong tumalon upang makaiwas sa kagat ng bubuyog, tanging si Cacayan ang gumulong sa mabatong daan patungo sa dinaraanan ng trak kung saan siya napisak. ?Isinugod sa Prospero Bello Community Hospital si Cacayan kung saan siya idineklarang patay habang sumuko naman si Bruno sa pulisya.
- Latest