Kapolisan sa Panglao, Tagbilaran imbestigahan
CEBU, Philippines - Gimando na ni PRO-7 regional director PCSupt. Noli Taliño nga ipaubos sa imbestigasyon ang Panglao ug Tagbilaran City Police Stations gumikan sa impormasyon nga nag-protektar sila sa mastermind sa pagpatay sa babayeng abogada sa Bohol.
Si Taliño miingon nga iyang pahatagon og tubag ang mga hepe sa maong duha ka buhatan.
“They were denying the allegation na pinuprotektahan, sabi ko pa imbestigahan ko, at I told them to explain bakit may ganyan,”matud ni Taliño.
Dugang ni Taliño nga ang Bohol Provincial Police Station padayon nga nangita og dugang ebidensiya batok sa mga suspetsado alang sa ipasaka nga kaso sa piskaliya.
Ang kapolisan unang miila sa mga suspek nga sila si Romarico Benigi-an ug Lloyd Lancer Gonzaga apan padayon pa nilang giila ang mastermind.
Ang duha nga gisilbihan og search warrants apan wala maabti sa mga polis sa Purok 7, Barangay Tawala sa Lungsod sa Panglao diin mga shabu ug armas ang narekober sa kapolisan sa balay sa duha. (BANAT NEWS)
- Latest
