Ronnie gamit na gamit ang sex video!
PIK: Successful ang 4th Family and Child Summit ng MTRCB na ginanap sa Siena Hall ng Siena College sa Quezon City nung nakaraang December 3, na pinangunahan ng MTRCB Chairman Atty. Toto Villareal.
Ang tema ng naturang summit ay Ang MTRCB at ang Media Tungo sa Pagsulong ng Kamalayan Para sa Katutubo sa Pamamagitan ng Matalinong Panonood.
Isa sa umupong nasa panel ay ang kilalang si Badjao girl ng PBB na si Rita Gaviola, na ang tumayong moderator ay ang mag-asawang Raffy Tima at Mariz Umali-Tima ng GMA News and Public Affairs.
Sa naturang summit ay nagkaroon ng awareness at sensitivity sa karapatan ng ating mga indigenous people na kung paano sila inilalarawan sa telebisyon at pelikula.
PAK: Hindi itinatanggi ni Ronnie Alonte na malaki ang naitulong ng pagkasangkot niya sa sex video scandal kaya lalo siyang nakilala at tuluy-tuloy na gumanda ang kanyang career.
Si Ronnie nga ang lumalabas na bida sa entry ng Reality Films na Seklusyon ni Direk Erik Matti, at isa rin siya sa mga bida sa Vince & Kath & James ng Star Cinema na parehong entry sa Metro Manila Film Festival.
Sa mga presscon nito ay iyong sex video scandal ang natatanong na itinatanggi naman niya.
“Tingin ko po nakatulong kasi siyempre pinag-usapan talaga ng mga tao. ‘Sino ba to? Na-curious sila kung sino ako. Nakita nila at napapanood nila sa Showtime everyday. Ah ito pala si Ronnie Alonte.
Medyo nakatulong,” napapangiti niyang pahayag.
Pero kahit aminado siyang may pagka-naughty itong miyembro ng Hashtag, never naman daw niya nagawa ‘yun kahit may nagyaya sa kanya na
makipag-sex on cam.
Kaya malabo raw na talagang siya iyong pinagpiyestahan ng mga kabadingan sa video.
BOOM: Suportado ni Luis Manzano ang kasintahang si Jessy Mendiola sa premiere night ng Mano Po 7: Chinoy na ginanap sa Cinema 9 ng SM Megamall nung isang gabi.
Dumating ang Kapamilya actor/TV host dahil pangako nga raw niya kay Jessy na sasamahan niya at panonoorin ang naturang pelikula.
Tawang-tawa naman si Jean Garcia na nagkaroon daw ng fans ang tandem nila ni Richard Yap sa Mano Po 7.
Ang lakas ng tili ng mga fans sa mga eksena nila ni Papa Chen, dahil may chemistry naman kasi ang dalawa.
Pero kay Jomari Yllana nali-link si Jean na itinatanggi naman niya. Sabi ni Jean, wala raw masama kung nakita silang magkasama ni Jomari na naghu-holding hands sa Solaire kamakailan lang.
“We watched the concert of Radha, yung The Big Big Show.
“Wala naman yun eh. Nagkasama kasi kami ni Jomari for two years sa
The Half Sisters, pero wala talaga. We’re good friends talaga.
“Hindi namin alam bakit biglang ganun eh. Pinagtatawanan na lang namin na oh, sabi ko sa kanya, sa presscon tinatanong tungkol sa ating
dalawa, tawa lang siya nang tawa.
Kasi iyun naman talaga ang totoo na we’re very very good friends talaga,” pahayag ni Jean sa premiere night ng Mano Po 7 na magsu-showing na sa December 14.
- Latest
