Luis dagdag atraksyon sa Mano Po

Added attraction si Luis Manzano sa premiere night ng Mano Po 7: Chinoy sa SM Megamall Cinema noong Biyernes.

Nagtaka ang audience nang ma-sight nila si Luis sa loob ng sinehan dahil hindi naman siya kasali sa cast ng pelikula ng Regal Entertainment Inc.

Nasagot ang kanilang mga pagtataka nang ma-realize nila na starring sa Mano Po 7 si Jessy Mendiola, ang current girlfriend ni Luis.

Ang sey ng mga eyewitness, hindi na nagpunta si Jessy sa dinner para sa cast ng Mano Po 7 pagkatapos ng screening nito dahil sabay na sila ni Luis na umuwi.

Touched din ang press na nag-cover ng premiere night ng family movie ng Regal dahil nag-treat si Luis ng mga popcorn habang nanonood sila ng pelikula na nagustuhan nila.

Chinoy pinupuri ng mga nanood

Happy si Mother Lily Monteverde dahil positive ang reviews sa Mano Po 7: Chinoy.

Natutuwa si Mother dahil nagustuhan ng audience ang pelikula niya na naitsa­pwe­ra sa 2016 Metro Manila Film Festival.

Hindi na isyu kay Mother na hindi napili sa MMFF ang  Mano Po 7 dahil mas mahalaga ang mga papuri na narinig niya mula sa mga dumalo sa premiere night ng pelikula na pinagbibidahan nina Richard Yap, Jake Cuenca, Jean Garcia, Enchong Dee, Jessy Mendiola, Janella Salvador at Janna Agoncillo.

Makaka-love team ni Jennylyn nameless, bidang-bida agad

Gil Cuerva ang name ng lucky guy na makakapareha ni Jennylyn Mercado sa Tagalog adaptation ng My Love From The Star.

Filipino-Spanish si Gil na isang model pero tsinito siya at may anggulo na kamukha ng Thai actor na si Mario Maurer.

Masuwerte si Gil dahil siya ang nakapasa sa ipinatawag na audition ng GMA 7 para sa makakatambal ni Jennylyn sa My Love From The Star. Nameless pa si Gil sa showbiz pero bidang-bida na siya sa coming soon teleserye ng Kapuso Network.

Gagampa­nan ni Gil sa My Love From The Star ang role ni Matteo Do, ang karakter na pinasikat ng Korean actor na si Kim Soo-hyun.

Sikat na sikat si Kim sa Korea at napatu­nayan ko ito nang magbakas­yon ako sa Seoul  no­ong nakara­ang  buwan.

Left and right ang mga billboard at poster ni Kim sa Seoul dahil sa rami ng mga product endorsement niya.

Si Kim ang kalaban sa popularidad ng aking favorite actor na si Song Joong-ki, ang bida ng aking favorite Korea­novela na Descendants of the Sun.

Boyet driver lang noong ma-discover

Kinaiinggitan si Christopher de Leon dahil senior citizen na siya pero hindi nagkakaedad ang hitsura niya.

Shocked ang madlang-bayan nang makita nila ang latest pictorial ni Boyet para sa Digital Fashion Week Manila dahil fresh na fresh at poging-pogi siya.

Walang puwedeng magsabi na photo­shopped ang mga picture ni Boyet dahil sa personal, guwapung-guwapo siya at super physically fit.

Ang kapatid ni Boyet na si Toni Abad ang nag-interbyu sa kanya para sa article ng Digital Fashion Week Manila. Nagbalik-tanaw si Boyet tungkol sa pagsisimula ng kanyang acting career at sa mala­king break niya sa pelikula, ang Tinimbang Ka Ngunit Kulang.

Seventeen years-old si Boyet nang ipagkatiwala sa kanya ni Lino Brocka ang role ni Cesar Blanco, Jr. at mula noon, hindi na naawat ang pagsikat niya at pagiging multi-awarded actor.

Sino ang mag-aakala na ipinagmamaneho lamang noon ni Boyet ng sasakyan ang kanyang ka­pa­tid na si Pinky de Leon pero ngayon, siya pa rin ang Dra­ma King of the Philippines?