Carlo, Rocco, Enzo at Kean, sinubukang maging abugado

MANILA, Philippines - Kakaibang pelikula ang handog ng SM Entertainment Lifestyle, Inc. ngayong December 7, ang Bar Boys na pagbibidahan nina Carlo Aquino, Rocco Nacino, Enzo Pineda, at Kean Cipriano.

Ang pelikula na sinulat at idinirek ni Kip Oebanda ay tungkol sa apat na magkakaibigan na sabay-sabay na pumasok sa law school at doon na nga nagsimula ang kanilang adventure.

Ito bale ang pangalawang pelikula ni Direk Kip pagkatapos ng Tumbang Preso na tinampukan nina Ronnie Lazaro, Teri Malvar, at Kean.

Naisip daw niyang gawin ang pelikula nang manood siya ng horror film kasama ang kaibigan niyang abugado.

“We enjoyed the film a lot. However, there was one scene where an evil lawyer was trying to coerce the bida to see her house

“Sabi sakin ng friend kong lawyer, ‘I’m sure this guy will die first. Kontrabida naman ang lawyers palagi’

“I thought this was an interesting statement as most films tend to portray lawyers as either evil or martyr for good cause,” kwento pa ni Direk Kip.

Simula noon ay naging interesado na nga raw siya sa mga lawyer at nagsimula siyang mag-research tungkol sa law school, sa kultura ng mga ito, sa mga estudyante, propesor, at pati na ang friendship. Umabot nga raw ng dalawang taon ang paggawa niya ng script para sa pelikula.

“I started interviewing my law school and lawyer friends. I disco­vered an under-explored world that has its own rules, strengths and weaknesses.

“At that point I was also a professor teaching both college and gra­duate school (Far Easter University). I felt disappointed that many of my students don’t like reading and sometimes, they copy-paste things from the internet.

“I think there was value in the way law students – and similar disciplines –take their learning seriously. I believe to succeed, we must sacrifice,” sabi pa ni Direk Kip.

Nagkwento si Direk Kip kung anong klaseng katrabaho ba sina Carlo, Rocco, Enzo at Kean.

Ayon sa kanya, ramdam daw niya ang tunay na luha at sakit sa pag-arte ni Carlo dahil malapit daw ang kanyang cha­rac­ter sa naging karanasan nito sa buhay.

Umaapaw naman daw ang emosyon ni Rocco para sa film dahil ito mismo ang nag-i-improvise ng mga pwede pang idag­dag sa kanyang karakter.

Samantala, tingin niya raw ay ito ang unang lead role ni Enzo kaya parang may konting takot pa sa aktor. Madali naman daw itong katrabaho kaya hindi siya masyadong nahirapan idirek ito.

Si Kean naman ang pinakakomikero sa kanila dahil kapag may nahihirapan na raw sa set, nariyan si Kean para pasayahin ang lahat.

Sa Enero 2017 nakatakdang mapanood ang pelikula.