Top 8 ng PBS magpapasiklaban na

MANILA, Philippines - Malalaman na ngayong weekend sa Pinoy Boyband Superstar sa ABS-CBN kung sino sa Top 8 hopefuls ang mapapabilang sa susunod next big boy band ng bansa.

Ngayong Sabado, hahatiin ang Top 8 boys sa apat na grupo at kakanta ng magkapares. Tanging apat lang ang maililigtas ng mga hurado at aabante sa huling round ng kumpetisyon habang ang natitirang apat naman ay magpapasiklaban sa isang sing-off bukas.

Sino kaya ang pinakamagniningning at sino naman ang mamamaalam sa kanilang boyband journey? Sino ang maglalaban-laban sa grand finals?

Patuloy na pakinggan ang pagsasama-sama ng himig ng aspiring boyband members sa bansa para sa pagtupad ng kanilang mga pangarap sa Pinoy Boyband Superstar, tuwing Sabado, 7:15 PM at tuwing Linggo, 7 PM sa ABS-CBN.