Killer ng ina, tiyuhin ng dalagita, tiklo

TUGUEGARAO CITY, Cagayan, Philippines – Nasakote ang na most wanted na pumatay sa ina at tiyuhin ng dalagitang ginawa niyang sex slave sa Cauayan City, Isabela matapos matunton ang kanyang pinagtataguan sa Barangay Centro 1, bayan ng Aparri, Cagayan kamaka­lawa. ?Ayon kay P/Supt. Ariel Quilang, hepe ng Cauayan City PNP, nakatakdang kasuhan ang suspek na si Orlino Gapusan na sinasabing pumatay kina Anabel Costales, 41; at Dondon Quebral, 37, sa Barangay Dianao, Cauayan City noong nakalipas na taon.? Sa record ng pulisya, tinotoo ni Gapusan ang banta sa anak na dalagita ni Costales na uubusin nito ang kanyang pamilya kapag nagreklamo sa pulisya ang dalagita na ginawang sex slave ng suspek noong 2013. Kasalukuyang nahaharap sa kasong panggagahasa at dalawang kasong pagpatay ang lolo na walang piyansang inirekomenda.