Drug suspek ginilitan, dedo
QUEZON, Philippines – Brutal na kamatayan ang sinapit ng 30-anyos na drug personality makaraang gilitan sa leeg ng hindi kilalang lalaki, kamakalawa ng gabi sa Barangay Vergara, bayan ng Lopez, Quezon. Kinilala ng pulisya ang biktima na si Jonathan Calbog, may asawa at sinasabing ilang araw pa lamang nakalalaya matapos magpiyansa sa kasong paglabag sa Section 11 ng RA 9165. Base sa imbestigasyon, dakong alas-9:30 ng gabi nang matagpuan ang duguang katawan ng biktima sa gilid ng barangay road sa nasabing lugar. Sinilisip ng pulisya ang anggulong kasabwat sa drug trade ng biktima ang nasa likod ng pamamaslang.
- Latest