Slaughter sinaligan gihapon sa Gin Kings
CEBU, Philippines - Bisan pa og wala siya katampo sa makasaysayanong kampiyonato sa Barangay Ginebra Kings sa miaging Governors' Cup, si multi-titled coach Tim Cone nagkanayon nga pabilin si Greg Slaughter nga usa sa mga premyado nilang players.
Si Slaughter igo lang nakapakita og usa ka duwa sa miaging conference sa wala pa makahiagum og ACL injury sa tuhod. Si Slaughter bag-o lang mipaubos sa operasyon diin giplanohan siya nga pabalikon og duwa sa Commissioner's Cup sa sunod season.
“If we’re lucky, (he’ll return) maybe late second conference, but to be honest, third conference,” matud pa ni Cone sa Spin.ph. “We want him back as soon as we can, but we’re going to be smart about it.”
Miingon si Cone nga kun anaa pa si Slaughter sa ilang finals series batok Meralco Bolts, may posibilidad nga mas sayun unta ang ilang paglabni sa korona.
“He’s the kind of guy that, when everything breaks down and you don’t have anything to do, you always have something to do with him,” dugang pa niya.
Ang 7-footer nga si Slaughter daku og papel sa koponan sa Ginebra diin siya ang numero uno nilang opsyon sa opensa ug depensa. LPM (BANAT NEWS)
- Latest
