3 patay kay 'Karen'

MANILA, Philippines – Tatlong katao ang iniwang patay ng bagyong “Karen” bago ito lumabas ng Philippine rrea of responsibility (PAR) ngayong Lunes, ayon sa state disaster response agency.

Sinabi ng National Disaster Risk Reduction and Management Council (NDRRMC) na tinitiyak pa kung ano ang sanhi ng pagkasawi ng mga biktima.

Patuloy pa rin naman ang rapid disaster and damage assessment sa mga lugar particular sa Regions I, II, III, Calabarzon, at V. na sinalanta ni Karen nitong weekend.

"Right now, out of 8,000 families evacuated, 5,077 families are still staying inside the evacuation centers in those regions," pahayag ni Jalad.

Bukod sa mga nasawi ay naiulat din ng NDRRMC na ligtas ang sakay ng isang Bangka na tumaob sa Catbalogan City sa Samar  province.

Kahit inaasikaso pa ang mga naging biktima ni Karen ay naghahandna na rin ang NDRRMC sa pagpasok sa PAR ng bagyong “Lawin” ngayong hapon.

”Based on the forecast of PAGASA, Lawin is expected to largely affect the country Thursday particularly Northern Luzon,” dagdag ni Jalad.  PNA