Dahil sa pang-iiwan ni Kim? Xian nagpapalaki ng katawan!

PIK: Pagkatapos bumalik ni AiAi delas Alas mula sa show niya sa South Korea, lumipad uli siya patungo namang Kazakhstan para dumalo sa Eurasia International Film Festival.

Ito naman talaga ang dream ng Comedy Queen kaya ginawa niya ang Area kung saan makakarampa siya sa mga international film festivals.

Excited siya sa Eurasia dahil nominated pa siya sa Best Actress category. Kaya naman kahit hindi na siya nakasali sa opening, humabol siya para makadalo sa awarding.

PAK: Pagkatapos ng Barcelona: A Love Untold, may naririnig akong usapang hindi na raw muna magpa-partner sina Daniel Padilla at Kathryn Bernardo.

Ganun na rin kaya ang tandem nina Xian Lim at Kim Chiu? May tsikang ipa-partner daw kasi si Kim kay Gerald Anderson. Si Xian naman ay meron ding isang pelikulang gagawin.

Sabi naman ni Xian, kung ano ang plano ng network kay Kim ay alam niyang makakabuti sa career ng aktres. “I think alam ng lahat na sumusuporta sa amin. I think they’re open. Kumbaga, personal life and work is different,” pakli ni Xian.

Pero naba-bash daw si Kim kapag napapag-usapang ipa-partner ito sa iba. “Regarding bashers, kahit anong gawin mo magkakaroon ka rin naman…people are always gonna have something to say. Pero, para sa akin it’s more of trust na magandang proyekto ‘yung ilalabas,” saad naman ng Kapamilya actor.

Ngayon nga ay nagpapaganda at lalong nagpalaki pa ng katawan si Xian dahil meron siyang pelikulang pinaghahandaan.

BOOM: Si Christopher Ro­xas ang nagkumpirma tungkol sa pagbubuntis ni Gladys Reyes.

Sabi niya sa kanyang Instagram account, “Never been more happier in my life…another child in our family…been looking for something to motivate me instead of something you gave me someone..I’m just grateful dear God.” Nasa hashtag nito ang #babysoon at #daddynanamanako.

Sabi naman ni Gladys, hinayaan na niya muna si Christopher ang mag-post at wala raw muna siyang sasabihin dahil nakatakda pa itong magpa-check-up. Pagkatapos daw niyang magpa-check-up saka na siya magpu-post.

Mabuting hintayin daw muna niya ang payo ng doktor niya bago siya magkumpirma tungkol sa kanyang kalagayan. Pero excited siya siyempre dahil gusto niyang masundan ang bunso nilang si Grant.

Ang gaganda ng mga anak nina Christopher at Gladys kaya dapat paramihin ang lahi nila. Pero tuluy-tuloy ang taping ni Gladys sa Oh My Mama! kaya ipinapanalangin na lang niyang maging okay ang pagbubuntis niya kung sakali para hindi maapektuhan ang kanyang trabaho.