Bagong Miss World Philippines hindi nakoronahan!

Hindi natuloy ang coronation night ng Miss World Philippines noong September 25 sa Manila Hotel dahil nagkaroon ng conflict sa schedule ng mga hurado.

Iba-iba ang mga impormasyon na lumabas dahil may nagsabi na inilipat sa October 9 ang coronation night ng Miss World Philippines 2016 pero naglabas ng official statement ang pageant organizer na si Cory Quirino.

Confirmed na idaraos ang Miss World Philippines sa darating na Linggo, October 2, hindi sa October 9.

Magaganap ngayon, 6:00 p.m., ang Gala Night ng Miss World Philippines sa Enderun College Tent, McKinley Hill, Fort Bonifacio.

Hindi makakadalo sa judge’ panel sa finals night sina reigning Miss World Mereia Lalaguna ng Spain at Mr. World 2016 Rohit Khandelwal ng India pero bibisita sila sa Pilipinas sa October 9 hanggang October 11 para sa charitable activities ng Beauty with the Purpose.

Ang Philippine General Hospital at ang Tuloy Street Children Foundation ang mga pupuntahan nina Lalaguna at Khandelwal.

Megan ayaw bumitiw sa Miss World

Kahit matagal nang tapos ang reign niya bilang Miss World 2013, hindi bumibitaw si Megan Young sa charitable activities ng Miss World Philippines.

Sinusuportahan pa rin ni Megan ang Philippine General Hospital at ang Tuloy Street Children Foundation.

At kahit tumanda na si Megan, puwedeng-puwede niyang i-claim na sa lahat ng mga nanalo na Miss World, siya ang literal na forever young dahil sa kanyang family name.

Aminin man o hindi ni Megan, siya ang favorite Miss World winner ni Julia Morley, ang big boss ng Miss World Organization.

Napakabait kasi ni Megan, marunong makisama at walang prima donna attitude, lalo na noong panahon ng panunungkulan niya bilang Miss World.

Never na nagbago ang ugali ni Megan kaya mahal na mahal siya ng utility staff ng GMA-7 at production crew ng Alyas Robin Hood.

Tameme na nga pala ang detractors ng primetime teleserye ng GMA-7 dahil sila mismo ang nakapagpatunay na hindi kinopya sa US television series na Arrow ang kuwento ng show nina Dingdong Dantes at Megan.

Sharon tapos na ang pamamahinga sa pagko-concert

Good news para sa fans ni Sharon Cuneta ang upcoming concert nito sa The Theater ng Solaire Resort & Casino sa October 15 at October 22.

Matagal na hindi nagkaroon ng concert si Sharon sa Pilipinas kaya excited ang kanyang mga taga-hanga na mapanood ang Sharon sa Solaire.

Malaking karangalan naman para sa Solaire management na ang The Theater ang pinili ni Sharon para sa comeback nito sa concert scene. “In only a little over a year The Theatre at Solaire has established itself as the home of mega musicals. We also want it to be the home of OPM concerts! We are delighted that our list of OPM icons is expanding, but to have clinched Sharon Cuneta’s concert comeback after a long hiatus is a coup,” ang sey ni Audie Gemora, Solaire Resort & Casino’s Director for Entertainment.

“What a perfect way to celebrate an illustrious career. The Theatre at Solaire is the Crown Jewel of Solaire Resort and Casino and a venue of world-class performances,” ani Audie.