Jessica Soho makakaharap si Paopao ng Encantadia
MANILA, Philippines - Ngayong Linggo (September 25) tampok sa Kapuso Mo, Jessica Soho ang bagong kinagigiliwang Encantadia karakter ngayon na si Paopao.
Sa pagbubukas nga ng panibagong kabanata ng Encantadia, mapapanood si Paopao - ang may hawak ng ika-limang brilyante. Ang cute na anim na taong gulang ay si Yuan Francisco sa totoong buhay ang gumaganap sa karakter. Mai-interview ni Jessica Soho ang pinakabagong child wonder at personal ding makikilala ni Yuan ang isa sa mga idolo niya.
Samantala, marami ang ‘di pa rin maka get-over sa pinag-usapang Korean film ngayon na Train to Busan at lahat nga ay tila nakikiuso sa #Traintobusanchallenge.
Isa pang viral ngayon ay ang litrato na pinaghanguan ng pwedeng pumasa raw na international symbol ng “friendzone.”
Marami rin ang kinikilig sa isang viral video kung saan makikitang sumasayaw ang dalawang may Down Syndrome. Ang “very special love” nina Lizliz and Kelvin, talaga naman daw nakakaantig.
Sa probinsya naman ng Quezon, may mga doktor espiritwal o manggagamot diumano na kayang magpagaling ng kahit anong sakit at nagmumula raw ang kanilang kakayahan sa ritwal kung saan naglalakad sila sa baga nang walang kahit anong sapin sa paa.
Aalamin din ng KMJS ang mga trabahong nanganganib na raw mawala ngayon tulad ng pagiging shoeshine boy, lechero, at lagarista.
- Latest