Komedyante unti-unti nang nabubuko ang kaberdehan ng dugo!
PIK: Espesyal ang araw ngayon sa mga guro dahil sa inihandang treat sa kanila ng Gabay Guro ng PLDT na gaganapin sa SM MOA Arena. Ngayon ang pang-siyam na taon kung saan committed ang naturang NGO na pinangunguhan ni Ms. Chaye Cabal.
May masuwerteng guro na naman ang mag-uuwi ng bagong Gratour Van mula sa Foton at lupa’t bahay mula sa Perry’s Group of Companies.
Bukod sa mga ipara-raffle, magpapasaya rin sa mga guro sina Regine Velasquez, Ogie Alcasid, Gary Valenciano, Pops Fernandez, James Reid, Nadine Lustre, Jona, Lea Salonga, at Ms. Sharon Cuneta.
PAK: Unti-unti nang nabubuking ang pagkabading ng isang komedyante. Kasi naman, hindi rin nag-iingat sa kadi-display niya sa mga guwapo niyang boylet.
Minsan ay ipinost ng guwapitong bagets sa kanyang Facebook account ang litrato niya kasama ang nagpapa-mhin na komedyante. Si guwapitong bagets ay sumasali sa mga bikini contest, at nakita ng agent niya sa Facebook ang litratong kasama ang komedyante. Nag-comment ang agent na siya na ba ang bagong dyowa-dyowaan ng komedyante. Itinanggi ito ng bagets, pero sinagot ng agent na nakilala rin niya ang isa pang guwapitong bagets na laging kasama noon ng komedyante. Pero lately ay hindi na kaya kinulit ng agent ang bagets kung siya na ba ang ipinalit. Pero hindi na siya sinagot ng bagets.
Ang ending, na-block na ang agent ni bagets at ang komedyante na friend din pala ang agent sa FB.
BOOM: Excited si Heart Evangelista-Escudero sa biyahe niya pa-Paris dahil makikipag-meeting ito sa isang company na affiliated sa Hermes.
Nakarating sa Europe ang pagpipinta ni Heart sa mga mamahaling bag. Marami ang natuwa at lalong dumami ang nagpapagawa kaya isa na nga ito sa pinagkakaabalahan ng Kapuso actress.
Kaya magkakaroon nga raw siya ng meeting sa Paris sa posibleng collaboration sa kumpanyang affiliated sa Hermes.
Kung magkakaayos daw, babalik siya roon para ituloy ang collaboration.
Tamang-tama dahil next year pa naman daw siya magkakaroon ng programa sa GMA-7 kaya ang pagpipinta muna ang pagkakaabalahan niya.
- Latest
