JaDine wala nang effort sa halikan!

Pinag-usapan ang kauna-unahang kissing scene nina Nadine Lustre at James Reid sa teleseryeng Till I Met You na ipinalabas noong Miyerkules. Ayon sa magkasintahang sina James at Nadine ay mabilis lamang daw nila kinunan ang nasabing eksena. “Nagulat nga kami because we were watching, parang four kisses yata ‘yung ipinalabas pero no’ng tinake namin ‘yon, two takes lang. Everyone loved it. Kami naman, ang gusto lang namin ay mag-enjoy ‘yung fans,” bungad ni Nadine.

“It’s quite normal for us. It wasn’t like in OTWOL (On the Wings of Love) where we weren’t together and all. It’s kind of weird then. But now it just seemed natural just like I’m kissing my girlfriend. For us, it’s very natural,” pagbabahagi naman ni James.

Ayon pa sa aktor ay hindi talaga dapat palampasin ng mga manonood ang bawat eksena sa nasabing serye. “The show is doing well and the story is developing nice and we are really excited for what comes next,” nakangiting pahayag ni James.

Magkakaroon pa kaya ng mas maraming kissing scenes ang JaDine dahil nag-trending sa social media ang eksena? “Well, according to direk Tonet (Jadaone), may nagtanong sa Twitter. Tapos um-oo siya so I guess,” natatawang sagot ni Nadine.

Xian hindi kontra sa ‘balikan’ nina Kim at Gerald

Kapansin-pansin ngayon ang mas magandang pangangatawan ni Xian Lim. Pinaghahandaan daw kasi ng aktor ang isang bagong pelikula na kanyang gagawin kaya may mga kaunting pagbabago rin sa kanyang hitsura. “May gagawin kami na isang pelikula. Pero sa ngayon wala pa akong details. So for you guys wondering, bakit ganito hitsura ko ngayon, we are talking about something for you guys kaya abangan,” nakangiting pahayag ni Xian.

Samantala, nabalitaan na rin ng aktor ang tungkol sa diumano’y muling pagtatambal sa proyekto ni Gerald Anderson at ang sinasabing espesyal sa puso ni Xian na si Kim Chiu. Kung sakaling matutuloy ang reunion project ng dating magkasintahan na Kimerald ay wala naman daw itong magiging problema kay Xian. “Para sa akin kasi work ‘yun eh, and kung matutuloy naman, I’m sure they are going to produce a very wonderful material and I’m sure na hindi naman sila pababayaan ng network. I’m happy for them,” pagtatapat ng binata.

Sana raw ay suportahan pa rin ng mga tagahanga ni Kim kahit sino pa man ang makapareha ng aktres sa mga gagawing proyekto nito. “Siguro maiintindihan naman ng mga sumusuporta sa amin ‘yon, sa tandem namin and I think they’re open and they want to see that personal life and work is different,” giit ni Xian.