Piolo nanghinayang sa role ni Sam?!
Nakabalik na mula sa New Zealand sina Piolo Pascual, Jerald Napoles, Raikko Mateto at Yen Santos sa shooting ng Once In A Lifetime. Si Yen nga, pumirma na kahapon ng movie contract sa Regal Entertainment. Si Jerald napanood na sa Sunday PinaSaya at na-bash dahil sa pinasabog na isyu sa snapchat.
Isa sa mga unang ginawa ni Piolo pagbalik ng bansa ay ang manood ng Camp Sawi at sabi nito, “Easily one of the best movies I’ve seen:) great cast! Great story! Great experience! Galing!!! don’t miss out:)...and did I mention how good everyone was? Oh yeah..No hard sell:) pure entertainment! Gujab Direk Ayrin! Congrats. BALANG ARAW.”
May video post din si Piolo sa Instagram (IG) na nasa Taumbayan siya at ginulat sina Bela Padilla, Yassi Pressman at Arci Mu?oz. Bigla ang pagsulpot ni Piolo na ikinagulat ni Bela, nagsisigaw si Arci, pero si Yassi, nagnakaw ng halik kay Piolo.
Si Piolo ang original choice sa role ni Sam Milby sa Camp Sawi.
Erwan sinaway sa paghuhubad si Solenn
Ang cute ng comment ni Erwan Heussaff patungkol sa kapatid niyang si Solenn Heussaff. Sa pinost kasi na picture ni Solenn, hubo’t hubad siya at malaking sombrero lang ang nakatakip sa harapan.
“Put some clothes on” ang suggestion ni Erwan kay Solenn na ikinatuwa ng netizens na nakabasa dahil protective raw pala si Erwan sa kapatid niya.
Pero sumagot si Solenn ng, “@erwanheussaff hhhhhmmmm let me think about it. No.”
Tom nagpaka-fan sa 12-year na actress
Katuwa ang pagpapaka-fan boy ni Tom Rodriguez kina Whilce Portacio at Millie Bobby Brown na dumating sa ginanap na Asia Pop Comicon. Maraming Pinoy fans ang 12-year-old actress na tampok sa web series at Netflix original series na Stranger Things at kilala bilang si Eleven. Pati na si Whilce na sikat na comic artist, kaya hindi nagpahuli si Tom na makita sila.
Samantala, dalawang shows ni Tom ang pina-plug ng GMA 7 at magkasunod pa ang pilot. Mauuna sa September 3, ang #Like kasama ang internet sensation na si Balang at ang family drama na Someone To Watch Over Me na sa Sept. 5 na ang simula ng airing sa direksiyon ni Maryo J. Delos Reyes.
- Latest
