Zia: Mana sa ina…

MANILA, Philippines - Sinulit na raw ng pamilya ng Kapuso Primetime King na si Dingdong Dantes ang pagbabakasyon nitong nakaraang buwan, base na rin sa photos nila ng kanyang misis na si Marian Rivera sa kanilang social media accounts.

Kaya naman isang video ng kaniyang anak na si Baby Zia na kinunan nilang mag-asawa habang nasa bakasyon sa Balesin ang naging viral ngayon at kinagigiliwan ng netizens.

Paliwanag ni Dingdong, “Isa sa mga bagong tricks niya. Linggo-linggo may bago siyang ginagawa so noong linggong ‘yun nagkataon ‘yun ‘yung pag nakakarinig siya ng music medyo bina-bounce niya ‘yung ulo niya, so mana sa ina mahilig sumayaw.”