Vice gaya-gaya sa boobs ni Paolo! Yassi lumayas na sa Bahay ni Kuya!

SEEN: Pinaratangan si Vice Ganda na manggagaya dahil sa prosthetics boobs na ginamit niya sa kanyang guesting sa Ang Probinsyano.

Si Paolo Ballesteros ang unang naglabas ng litrato ng prosthetics boobs na ginamit niya sa kanyang mga eksena sa Die Beautiful.

SCENE: Aral para sa mga producer ng Die Beautiful ang nangyari, ang limitahan o huwag maglabas ng mga litrato mula sa mga eksena ng mga pelikula nila hanggang hindi ito ipinapalabas para hindi sila maunahan.

SEEN: Mapapanood ngayong umaga sa GMA 7 ang pilot week ng Encantadia. Ipalalabas ang pilot week ng telefantasya ng Kapuso Network pagkatapos ng I-Bilib.

SCENE: Ang last taping day ng second season ng Lip Sync Battle Philippines ng GMA 7 noong Biyernes.

SEEN: Hindi lamang ang The Achy Breaky Hearts ng Star Cinema ang biktima ng online piracy. Napapanood na rin sa internet ang very clear copy ng Everything About Her, ang pelikula nina Vilma Santos at Angel Locsin.

SCENE: Lumabas na ng PBB House Vietnam si Yassi Pressman. Spotted si Yassi sa grand opening ng Botejyu, ang bagong restaurant business ng Viva Group of Companies sa SM Mall of Asia.

SEEN: Dumalo sa grand opening ng Botejyu ang Viva Films big boss na si Vic del Rosario, sina Antonette Taus, Champ Lui Pio, Mark Bautista, Joanne Quintas, Lauren Reid at ang mag-asawang Cristine Reyes at Ali Khatibi.

SCENE: Hindi na bagay sa edad ni Piolo Pascual ang kanyang bagong haircut  #HuwagMagbata-bataan.

SEEN: Hindi pa nadidispatsa ni Judy Ann Santos ang kanyang unwanted pounds mula nang isilang niya ang second daughter nila ni Ryan Agoncillo. #MahalPaNilaAngIsa’tIsa.