Enchong ayaw idetalye ang hiwalayan nila ng GF na model

Kumpirmadong nagkahiwalay na si Enchong Dee at ang fashion model na si Samantha Lewis. Ngayon ay magkaibigan pa rin daw ang dating magkasintahan.

Hindi na nagbigay si Enchong ng detalye tungkol sa kanilang hiwalayan ng dalaga. “We’re just friends now. Bibihira ako makahanap ng ganoon klaseng babae pero I think there’s just a certain point that you just have to say stop,” makahulugang pahayag ni Enchong.

Matatandaang inamin ng aktor ang tungkol sa kanilang relasyon ng dalaga noong March 2014. Mula noon ay madalas nang makitang magkasama ang dalawa sa mga okasyon katulad ng Star Magic Ball 2014 at 2015.

Gretchen at Robi hindi na masyadong nag-aaway!

Tatlong taon nang magkasintahan sina Gretchen Ho at Robi Domingo. Hindi pa man nagpaplanong magpakasal ang dalawa ay umaasa naman daw si Gretchen na si Robi na ang kanyang makakasama sa habangbuhay.

“Ipinagdarasal natin na si Lord na ang bahala kung kami talaga, kami talaga. I think it’s going to be a long time pa,” bungad ni Gretchen.

Sa ngayon ay maayos at masaya ang relasyon ng magkasintahan. “I feel like we are getting deeper in love. During the past years, we were on different life stages. I just got into work and I was adjusting to everything. Now I feel like we are getting to know each other better. We are understanding each other more. We don’t fight as often. We spend more time together because I’m always here (ABS-CBN), he’s always here. Also a lot of the things that were conflict points are something that we can talk about now. We can reconcile, we can compromise,” pagbabahagi ng dalaga.

Dahil sa pagiging abala nina Gretchen at Robi sa kanya-kanyang mga trabaho ay dumarating na raw minsan sa punto na nag-aaway sila dahil sa kakulangan sa oras para sa isa’t isa. “’Yun ang number one, if we’re going to have a problem it’s really the quality time. But now it depends on the life stage. We are both so driven with work but also realize now how important our relationship is. Maybe because we are on our third year and more na parang we are investing more to the relationship. At the same time, we respect also each other’s choices when it comes to our career. So planning also for the future, I think everything falls into place,” paliwanag ni Gretchen.

Hanggang maaari ay sinisikap daw ng magkasintahan na maging pribado na lamang ang kanilang relasyon. “Privacy is very important I think. Kasi kapag masyadong out, you are subject to the opinions of other people who don’t know what’s happening to the both of you. So we’d like to keep it na parang we are real people, we say a little bit of what’s happening but parang we also want to keep that distance na give us naman our space,” giit ng TV host.