Sid at Jake nakipagsabayan kay Jaclyn!

SEEN: Malaki ang dapat ipagpasalamat ng mga seldom seen actor sa Ang Probinsyano ng ABS-CBN dahil nabibigyan sila ng mga television guesting.

SCENE: Magbubukas ngayon sa mga sinehan ang Love Me Tomorrow, ang pelikula na bunga ng collaboration nina Dawn Zulueta at Piolo Pascual. May-December love affair ang plot ng Love Me Tomorrow.

SEEN: Ang payo ng concerned fans and friends ni Zsa Zsa Padilla na huwag nang makipagbalikan kay Conrad Onglao dahil may makikilala pa siya na ibang lalake na magmamahal sa kanya ng  wagas.

SCENE: Best actor si Sid Lucero sa 19th Los Angeles Comedy Festival para sa pelikulang Toto na hinirang din bilang Best Foreign Film.

SEEN: Best actor si Jake Cuenca sa 2016 World Cinema Festival ng Brazil. Nanalo si Jake dahil sa pagganap niya sa Mulat.

SCENE: Overwhelmed si Jake Cuenca sa award na napanalunan niya dahil ikinukumpara siya kay Jaclyn Jose, ang best actress ng 69th Cannes Film Festival.

SEEN: Tactless at frustrated beauty queen ang role ni Jaclyn Jose sa A1 Ko Sa’Yo, ang upcoming sexy sitcom ng GMA 7.

SCENE: Ang live coverage kagabi ng 24 Oras sa presscon ng A1 Ko Sa’Yo dahil kay Jaclyn Jose, ang Cannes Film Festival best actress at lead star ng bagong sitcom ng GMA 7.