Kampanyang Pope, Thank You sa Malasakit nanguna sa mga Kapamilya winners Philippine Quill Awards
MANILA, Philippines - Kumamada ang ABS-CBN Corporation ng 12 parangal sa ika-14 na Philippine Quill Awards, kung saan sila ang may pinakamadaming award sa iba’t ibang organisasyon ng media at entertainment na sumali sa prestihiyosong patimpalak ng International Association of Business Communicators (IABC) Philippines.
Ang kampanya ng network na Pope, Thank You Sa Malasakit (POPETYSM) para sa 2015 Papal Visit sa Pilipinas ay nakasungkit ng tatlong Quill awards para manguna sa mga Kapamilya winners. Kasama sa initiyatibo ng POPETYSM ay isang social media campaign na nagbigay inspirasyon sa bansa sa pagdalaw ni Papa Francisco, isang Book of Thanks na nagpakita ng pagpapasalamat ng sambayanan sa Papa, at ang cross-platform coverage na nakuha ang gustong iparating na mensahe ng pagpapasalamat sa Papa ng buong bansa.
Samantala ang Changing the Way you Look at TV with ABS-CBN TVPlus na kampanya para sa matagumpay na pag-launch ng mahiwagang black box ng ABS-CBN TVPlus ay nag-uwi rin ng parangal mula sa Quill awards.
Bukod pa riyan, ang global subscription TV channel na TFC, The Filipino Channel ay ginawaran din ng award para sa mga sa Galing ng Filipino, Ipagpatuloy Mo na kampanya nila para sa ika-20 anibersaryo ng naturang channel, habang ang Cinema One, ang numero unong cable channel sa Pilipinas, ay kinilala para sa ika-10 na anibersaryo ng kanilang digital film festival na Cinema One Originals 2014: Intense.
Samantala, ang Kapamilya Thank You: The ABS-CBN Christmas Party ay kinilala din sa taunang salu-salo tuwing Kapaskuhan ng mga Kapamilya employees.
Ang ABS-CBN Integrated Sports ay hindi naman pahuhuli dahil pinarangalan din ang kanilang kampanyang Isang Bayan Para kay Pacman na inilunsad nila bago pa man ang laban ng People’s Champion na si Manny Pacquiao at ng katunggaling si Floyd Mayweather, Jr.
Ang ABS-CBN din ay muling naging finalist para sa Company of the Year award, na binibigay sa kumpanya na nakatanggap ng pinakamaraming Excellence Awards sa buong taon.
Ang prestihiyosong Philippine Quill Awards ay handog ng International Association of Business Communicators (IABC) Philippines para bigyan ng parangal at pagkilala ang mga mahuhusay na communication programs at tools na nagpapakita ng malinaw na layunin, stratehiya, malikhaing pagsasagawa, at masusukat na mga benepisyo.
- Latest
