Unang araw ng This Time tumabo agad sa P15-M!

SEEN: Hindi convincing ang pa-macho effect portrayal ni Piolo Pascual sa karakter niya sa Love Me Tomorrow, ang upcoming movie ng Star Cinema. Leading ladies ni Piolo sa Love Me Tomorrow sina Dawn Zulueta at Coleen Garcia.

SCENE : Pumirma si Sharon Cuneta ng two-year contract sa ABS-CBN kahapon kasabay ng isang presscon na pagsalubong ng programang The Voice Kids kay Sharon bilang coach na kapalit ni Sarah Geronimo.

SEEN: Punumpuno ng pagmamahal at pag­hanga ang mga mata ni Heart Evangelista sa tuwing pinagmamasdan nito ang pagsasalita ni Senator Chiz Escudero. Fan na fan si Heart ng asawa niya.

SCENE: Fifteen million pesos ang first day gross sa mga sinehan ng This Time, ang blockbuster movie ng Viva Films. Hindi nagpatalo ang Star Cinema sa press release nito na P16 million ang kinita ng Just The 3 of Us sa unang araw nito sa mga sinehan.
SEEN: Masyadong pinaingay ni Zsa Zsa Padilla ang pakikipagrelasyon niya kay Conrad Onglao kaya maingay rin ang kanilang paghihiwalay. Moral of the story: Keep private things private.

SCENE: Nag-renew kahapon si Anne Curtis ng exclusive contract niya sa ABS-CBN. Dalawang taon ang bisa ng kontrata na pinirmahan ni Anne sa Kapamilya Network.

SEEN: Pinayagan ng Korte Suprema na bumoto sa Lunes si former President Gloria Arroyo kaya umaasa ang supporters na papayagan din na makaboto ang jailed senators na sina Bong Revilla, Jr. at Jinggoy Estada na matagal nang nakapiit sa PNP Custodial Center, Camp Crame.

SCENE: Bukas ang huling araw ng kampanya. Kinakabahan na ang mga artista na kandidato at natatakot na matalo dahil wala na silang mga showbiz career na babalikan.