Paggamit ng presidential chopper ni Kris hindi natabunan ng isyung pangingidnap, James at Nadine, never pang nag-LQ

SEEN: Reynaldo Ilao ang pangalan ng alleged kidnapper na nagplano na kidnapin si Kris Aquino. Nadakip si Ilao sa San Pedro, Laguna noong April 26 pero kahapon lamang inilabas ng Philippine National Police ang balita.

SCENE: Hindi napagtakpan ng kidnapping plot ang paggamit ni Kris Aquino sa presidential chopper sa pa­ngangampanya niya. Isang teleserye na may manipis na plot ang treatment ng mga tao sa balita tungkol sa balak na pagkidnap sa presidential sister.

SEEN: Ang meet-and-greet at book signing kahapon ni Alex Gonzaga sa National Bookstore Trinoma para sa kanyang Dear Alex book.

SCENE: Winner ang episode kahapon ng Pili-Peanuts Debates ng Banana Sundaes. Spoof ng Pilipinas Debates ang Pili-Peanuts Debates.

SEEN: Mabibigo ang mga mang-iintriga sa relasyon nina James Reid at Nadine Lustre dahil ideal showbiz couple sila. Walang mga argumento at hindi pa nag-aaway sina James at Nadine mula nang maging opisyal ang relasyon nila.

SCENE: Nagkita-kita kahapon sa d­ressing room ng ASAP sina James Reid, Nadine Lustre, at John Lloyd Cruz. Magkasabay na magbubukas sa mga sinehan sa May 4 ang pelikula ng JaDine at ni John Lloyd, ang This Time at Just The 3 of Us, respectively.

SEEN: Hindi pinatatahimik ng haters at bashers si Melai Cantiveros mula nang umere sa telebisyon ang TV ad endorsement nila ni Jason Francisco para kay presidential candidate Mar Roxas. Bayaran ang masakit na paratang kay Melai at sa kanyang asawa.

SCENE: Dumarami pa ang inquiries tungkol sa block screenin­g ng This Time, kahit alam ng mga organizer na hindi makakadalo sina James Reid at Nadine Lustre dahil sa busy schedule.