Pangako Sa ‘Yo, huling gabi na!
MANILA, Philippines – Siguradong titigil ang mundo ng mga manonood sa pagtatapos ng top-rating teleseryeng Pangako Sa ‘Yo sa finale episode nito bukas matapos ang isang linggo ng mga sunod-sunod na pasabog at rebelasyon.
Unti-unti nang nababago ang takbo ng buhay at pag-ibig ng mga karakter sa serye ngayong nailantad na ang pagkukunwari ni Claudia (Angelica Panganiban) na may amnesia siya, pati na ang katotohanang siya ang may kagagawan sa pagkamatay nina David (Diego Loyzaga), Diego (Bernard Palanca), at Caloy (Joem Bascon).
Matatanggap pa kaya ni Angelo (Daniel Padilla) ang kanyang tunay na amang si Simon (Alex Medina)?
Matutupad na nga ba ang pangarap nina Amor (Jodi Sta. Maria) at Eduardo (Ian Veneracion) na magkaroon ng isang buong pamilya? Pumalo noong Feb. 10 sa national TV rating na 42.1% ang programa. Nauna nang nasungkit ng programa ang all-time high na national TV rating nitong 42.7% noong Martes (Feb. 9).
Huwag palampasin ang finale ng Pangako Sa ’Yo bukas pagkatapos ng FPJ’s Ang Probinsyano sa ABS-CBN Primetime Bida.
- Latest
