Pia nadagdagan ang timbang!, Award winning movie ni DiCaprio na matagal nang pirated, ipalalabas na sa mga sinehan

SEEN: Ang balita na diumano, nakapag-file na ng motion for reconsideration ang kampo ni Sunshine Cruz bago lumabas ang balita na ibinasura ng Quezon City Prosecutors Office ang child abuse case na asunto niya laban kay Cesar Montano.

SCENE: May halong drama ang mga statement ni Eugene Domingo sa presscon ng Dear Uge pero may effort siya na maging malapit sa puso ng entertainment press.

SCENE: Ang litrato ni Miss Universe Pia Wurtzbach na kuha sa kasal nina Pauleen Luna at Vic Sotto na katunayan na nadagdagan ang timbang niya. Halata sa litrato ang lumobo na puson ni Pia.

SEEN: Palabas sa Philippine theaters ang The Revenant, ang pelikula ni Leonardo DiCaprio na matagal nang ibinebenta sa bangketa ang pirated DVD copies.

SCENE: Nakaburol sa Sanctuario de San Jose, East Greenhills ang mga labi ng Bubble Gang director na si Uro dela Cruz. Nakatakda ang libing ni Uro sa Linggo.

SEEN: Ang mga standee ng mga konsehal ng Maynila sa harap ng kanilang mga opisina sa Manila City Hall na obstruction at eyesore sa pasilyo na dinaraanan ng mga tao.

SCENE: Ang makasaysayan na Plaza Miranda ang napili na lugar nina Se­nator Grace Poe at Senator Chiz Escudero para sa proklamasyon ng kanilang mga kandidatura sa February 9.