Matteo wala sa mga kamay ang desisyon para panoorin ang concert ni Sarah
Bakit ba kasi kailangan pang maging pahulaan kung dadalo si Matteo Guidicelli sa konsyerto ni Sarah Geronimo? I’m sure na susuportahan ng binata ang nobya niya, pero siyempre ang desisyon ay wala sa kamay niya.
Hanapin n’yo nga kung sino ang dapat niyang pagpaalaman para niya mapanood si Sarah?
Welcome back Donna
Sa mga susunod na mga araw at muli na naman nating makikitang kumakanta ang may 10 taon na yatang singer na nawala sa eksena dahil mas pinaboran ang kanyang pagiging maybahay ni Dr. Yong Larrazabal at ina sa kanilang tatlong anak.
Malalaki na ang mga anak nila kaya pinayagan si Donna Cruz ng kanyang asawa na balikan ang kanyang pagkanta.
Welcome back, Donna!
AlDub Nation walang paki kahit sumablay si Bryan White
Keber ang AlDub Nation kung sumablay man sa pagkanta niya ng live ng AlDub theme song na God Gave me You si Bryan White. Hindi naman daw kasi laging nasa kondisyon ang boses maging ng pinakamagagaling na singer sa mundo.
Ang Octo-Arts, Int’l. ang prdyuser ng concert dito ni Bryan. Ito rin ang isa sa mga produ ng My Bebe Love, kaya siguradong panonoorin ng buong cast ang concert.
- Latest
