Nagbaha ang luha!
CEBU, Philippines – Naguol ang AlDub Nation ug daghan ang nakahilak gyud sa episode kagahapon sa kalyeserye sa Eat Bulaga kung diin gipadayag ni Alden Richards ngadto kang Maine Mendoza nga sakit kaayo alang kaniya ang gihimo nga arranged marriage kaniya ngadto sa Russian model nga si Cindy.
Sila si Alden ug Cindy gikatakdang kaslon karong adlawa subay sa sugo ni Lola Baba o Ai Ai delas Alas.
Sa episode kagahapon, nibisita si Alden sa balay ni Maine ug napuno kini sa emosyon. "Nilinaw ko na nga lahat sa 'yo kahapon para 'di ka na mahirapan. Lola mo na lang piliin mo Alden,” mensahe pa ni Maine. Samtang duna pu’y mensahe si Alden kang Maine nga nagkanayon, "Sabihin mo sa 'kin kung wala na akong dapat hintayin. Titigil na ako”.
Sa maong sitwasyon, gikuptan ni Maine si Alden nga naghilak ug nilenggua og: "Alden, wala na. Ayoko na. Salamat sa lahat ng ginawa mo, sa lahat ng sakripisyo mo.'Di ko makakalimutan lahat 'yun. Sana maging masaya ka.”
Nag-uros –uros ang mga mensahe sa ilang fans sa social media ug wala sila makadawat sa sitwasyon karon sa ilang mga idolo. “I am witnessing the most heartbreaking hug I've ever seen. *cries*,” tweet pa sa usa ka netizen nga ginganlan og Edzi.
- Latest
