Toni nabawasan ang kinang nang maging misis, Reunion movie nina John Lloyd at Bea tumabo ng P43.3-M!

SEEN: Malaman at makahulugan ang pahayag ng senatorial bet at ni Manila Vice Mayor Isko Moreno na “A little knowledge is dangerous.” Dapat isapuso at isaisip ni Alma Moreno ang statement ni Isko.

SCENE: Ang biyahe ni Gladys Reyes sa San Francisco at Washington DC ang mapapanood sa darating na Sabado, 7 p.m. to 8 p.m. sa Moments, ang lifestyle show niya sa Net25.

SEEN: Ngayon ang huling gabi sa telebisyon ng Beautiful Strangers, ang GMA 7 teleserye na pinagbibidahan nina Heart Evangelista at Lovi Poe.

SCENE: Special guest bukas, Sabado, sa Eat Bulaga si Bryan White, ang original singer ng God Gave Me You, ang national anthem ng AlDub. May concert si Bryan sa Smart Araneta Coliseum sa December 1.

SCENE: Ang obserbasyon na nabawasan ang kasikatan ni Toni Gonzaga buhat nang magpakasal sila ng direktor na si Paul Soriano.

SEEN: Spotted kahapon si Edu Manzano sa Zamboanga City. Masipag mag-ikot si Edu para sa kanyang senatorial candidacy sa May 2016. Hindi na bago kay Edu ang pag-iikot sa buong Pilipinas dahil ginawa na niya ito nang kumandidato siya na bise-presidente ng bansa noong 2010.

SCENE: Ang news ng Star Cinema na P43.3 million ang first day gross ng A Second Chance sa mga sinehan. Reunion movie nina John Lloyd Cruz at Bea Alonzo ang A Second Chance.