Pauleen imposibleng mumurahing damit ang gamiting pangkasal
Mumurahin pa bang matatawag ang wedding gown na bibilhin ni Pauleen Luna sa abroad para sa kasal nila ni Vic Sotto kung ito ay gawa ng mga kilalang designers? Baka mas mahal pa nga ito kung ikukumpara kapag dito siya nagpagawa ng damit pangkasal.
Matteo umiwas nang pagbintangang manggagamit
Tama lang siguro ang pasya ni Matteo Guidicelli na huwag munang pagdikitin ang mga pangalan nila’t karera ni Sarah Geronimo para hindi siya mapagbintangang nakiki-ride on sa girlfriend niya.
Kahit siguro gustung-gusto niyang makasama kahit man lang sa album si Sarah sa pamamagitan ng pakikipag-duet dito ay mas pinili na niyang makasama ang Asia’s Songbird na si Regine Velasquez. Magaling na ay wala pang intriga na magagawa sa kanila.
Louise naiwan na ni Alden
Sa ganda ng itinatakbo ng karera ni Alden Richards, dapat lang na hindi paiwan ang ka-loveteam niyang si Louise delos Reyes na lately ay parang tinatamad sa kanyang pag-aartista.
Ngayon siguro ay aariba na siya. Meron na kasi siyang inspirasyon sa katauhan ng bokalista ng bandang Hale na si Champ Lui Pio.
Bagaman at wala pang inaamin ang dalawa, basa sa kanilang body language ang estado ng kanilang mga puso. Marami ang natutuwa para kay Louise na hindi naman lingid sa lahat ang naging kabiguan kina Enzo Pineda at Aljur Abrenica.
- Latest